Yak Andi As punya Cerita "Mabok Kicap Cap Macan"

Pesan mak kite luk jadi la urang pinter.Jangen takut belajar.Ape agik mace kek nulis .Udeh tu ngaji .Nek pacak.Biar semenggah idop ke adep ne.Sekulah nek bener.Jangen madeh e sekulah dek tau metet burong.Sape yang rugi ?Ni..cem cerita urang dibaweh ni........

Warong Ce Amuy di Pangkalbalam ramai umun siang ya .Maklom daerah pelabuhan.Ade yang maken .Minum kupi,limun ,teh pukok e macem macem.Ape agik warung ce Amuy lengkep bareng e.Siang ya ko ge minum limun di warung ya.Ku sengajek minum sual e tenga nunggu Marni nek pulang dari Jakarta naik kapal feri.Kapal lom ateng.Kire kire sejam agik lah....along minom luk kek ngerukok pikir ko .Mane ari panes ulik.
Ade ge urang minum bir di warung ce Amuy .Biase lah urang urang pelaot men tengah mendarat..cem ya gawi e..mabuk.....................

Dek lame pesanan ku dateng.Simong ce..kata ku dalem bahasa chin.Coma ya ku tau e....Suat ge ade urang masuk warung ce Amuy.Beriwok.Nyandang ransel.Uman e baru sekali ne nempuh Pengkal .
Urang ya langsung nugek ce Amuy.....

Tamu " Bu , ambil itu minumang 2 botol ."sambil tangannya menunjuk 2 butul kicap cap macan.jangan lupa es batu nya ya.Ama gelas."

Bingung ce Amuy.Urang ne nek masek ape nek mabuk kecap.Kelak salah udeh e...pikir ce Amuy.Kenek e lah..name ge urang yang mintak....diambik ce Amuy 2 butul kecap.Sikok gelas besak lah ade es batu e.
Kami ni ngoklah kegawi urang ya......aok pe kan ?

Tutop butul dibukak. Kek gigi e..Tess....langsung aik butul dituang ke gelas yang la dicampur es batu .Macem gaya bandit di pilem kuboy langsong diminum .Gleek....eekss....agak bingung urang ya .laen asa e ok ?kami la mulai ketabe kecit .Ningok ape agik kisah urang ya....

Urang ya muter butul ya.Ditingok e ade gambar macan .Oi...kecap bukan bir hitam....nutup malu urang ya manggil ce Amuy...

Tamu 'bu..tambah satu botol lagi....soal nya sudah lama tidak minum kecapp....." Banyek urang ketabe nengong tingkah urang ya .Dek lama sudeh tu urang ya mayar duit.Ku tingok cepet cepet die masuk wc pelabuhan. Wek...wek...wuakkkk..kedenger urang ya muntah.Mesege gawi musel .Kicap diminom.Disangka e bir item.Tu la men bute huruf.Belagak ulik udeh e....Ahe luy .Jangen ade ok di kampong Bangka ne.Malunya rik.
Tutt......bunyi kapal feri la deket dermaga.Gepgep ser ati ku.Nek nyambut Marni..kekasih ati ko.La sebulan dek ketempoh.Untong dakde Rahmanot..men ade nya mati ku di ulok e......hehehe.....

Andi As

Kentot Podong Ramai

Dikampong bangka ne sering ade sedekeh kampong.
Tahlilan.acara yang paling diseneng kek yak dul dan kawan2.
Karena pacak maken nyamen.
Walau gawe e cuma ngambik aek seember.

Biase e tahlilan dimulai sudeh magrib.mang umar jadi pemimpen tahlil e.
Yak dul teringat ade kejadian.
Pas tahlil ade orang kentot.ukan dak busok kentot e.
Sampai berenti orang tahlilan.

Yak dul lang ngerocos.

"Seperadik gale..benar2 gawe ne.law kentot dak kawa busok.ko ade cara e".

Yak andi :"macem cara e dul..dak tahan bau e"..

Yak dul :"rahasia be..law nak tau cara e datang bae kerumah..karena ne rahasia.ilmu yg diajar kek atok yak dul"..

Malem tu sudeh tahlil banyek yg dateng kerumah yak dul.nanya cara e.
Sikok2 yak dul bisik dibilong e.
Sampailah malem besok e ade kundang mang jamil.acara doa selamat nyunat anak e.
Loem berape lama abenlah acara mulai.
Lah ade bau kentot.selebeb..ukan dak kesel yak dul.
Sekali yak dul liat.
Rupe e bujang kedingol yg kentot.

Yak dul :"selebeb kedingol..cube kentot ya diluar"..

Bujang kedingol :"ukan ko kentot dul"..

Yak dul :"yo lah ngaku jang"..

Mang umar :"yo jangan bedebat ne.jangen asal tuduh.dak jadi dul"..

Yak dul :"ko dak sebasing nuduh mang umar.ko ne tau".

Mang umar :"dari mane ki tau e"..

Yak dul :"ikak agik ingat kan.waktu duluk.ko ade madeh.law nak tau cara kentot supaya dak busok.dateng kerumah".

Yak andi as:"aok..agik ingat ko..teros"..

Yak dul :"ko kan madeh..siape yg dateng ko bisik..law nak kentot dak busok..cara e..pas sudeh kentot.ikak pegang jempol kaki..atau bilong sebeleh kanan"..

Mang umar :"teros.."..

Yak dul :"maka e ko tau..bujang kedingol yg kentot.karena tdi ko ngeliat die megang bilong e yg kanan..kek megang jempol kaki e"..

Mang umar :"pekak ge dul..pacaklah ki ne akal e"..

Bujang kedingol ukan dak malu.akher e jera die kentot depan orang banyek.kena akal kek yak dul.asak ingat ya..bujang kedingol kk yak dul ngakak kek ketabe.akher e skrng bujang kedingol jadi marbot masjid.
Ya cerita e seperadik..cube ge ikak praktek..law kentot supaya dak busok.megang bilong atau mata kaki..wkkwkwk

Dul Keripot

KISAH BULEK BUKAN PENGANTAR TIDUR

Mang Jukadil Aswad sure ngarak ke peteng dudok pek para2 pundok kampong bangka... datenglah Mat Amin tengah nguceng Wak Tulis kek pakain kebesaran e batik...

Apa gawi ke jukadil.. nua ge ngunyak sampai gigi graham berantuk nak bunyi lesung padi ditumbuk ya... kata Wak Tulis..

Biase lak Wak... tengah maken pecel kiriman maryanot kek Dul Keripot.. tapi dul dak de jadi ku maken ku.. rejeki depan mata dek jadi ditolak... urusan kek dul men nya nek marah.. marah lah yg penting perot ko lah kenyeng... jawab jukadil

Mat amin nenger pemaken langsung mati kuntak mutor langsung ke pundok.. lupanya maseng standard kaaki mutor... lupa kek Wak Tulis dibelakang lah tejungkal kepala dibaweh kaki diates.....

Tulah ka ne Mat Amin ok.. asak ke pemaken lupa kek urang tua ne lah tejungkel... matet gawi ke ne.. asa rekop bunyi tulang ne... Wak Tulis ngeruce sampai pirot sebeleh sungot e..

Nyamen ge pemaken ikak ne Jukadil... dimana nya maryanot meli e... nek lah wak meli kek bini di umah nu...

Jukadil maseng muka sedih e...

Ngapa ulik ka sedih ya Jukadil....

Cemne cerita wak... ku denger dr maryanot yang muet ne urang saro. kesian kek urang yg muet pecel ne.. mane idup saro..tinggel surang dirumah.. tangen due2 e dak de.. kaki e due2 e dak de.. tapi nya muet pecel nyamen umun Wak...

Mane ko nyube jukadil.. aok imang nyamen ok... nek ko meli e...

Sambil befikir Wak Tulis betanyak.. cemmana nya jukadil urang di muet pecel e... tangen dek de..kaki dek de.. cemmana cara nya ngulek pecel ne...

Cemne cara nya Wak sambil praktek jukadil jungkok sambil nguyang pantat e....

Huaaak....huak... Wak Tulis lah kek muntah....

Pantes ase e nyamen2 kelat jukadil... nya ngulek kek pantat....



Salam
Yanro Firdha Comp

Ne kisah yak dul agik kecit duluk.
Biaselah kisah kami berempat..bujang lungoi,borai,bujang kedingol..
Hari ya kami baru sudeh dikejar kek wak tulis.gara2 ngatanya kepala botak.
Tak tak lo..kepala butak dak bebulo..kurang lebih cemya nyanyi e.
Sekapot kami lumpat.asak lah jauh kami melucon agik.
Dari jauh kami lah ngaroh :"wak tulis kepala botak..kayak ball voli.."...

Ukan dak bejik wak tulis..dikata kayak bola voli.
Leteh kami lumpat.tapi senang dalem ati yak dul waktu ya.
Itong2 olahraga.
Dak lama sudeh dikejar wak tulis.kami ketemu kek jukadil.kate e nak nyari ball voli.
Jukadil :"dul,dimana ade ball voly ne"..

Yak dul :"ohh...nu yak...di umah wak tulis ade"..(Dalem ati..kena ki yak jukadil)..

Jukadil :"makaseh dul..ne duit 2000..kek meli es".

Dak lama langsong yak jukadil gi ke umah wak tulis.wak tulis agik panas.agik merah muka e.

Yak jukadil :"ngape mang wak tulis...kayak sudeh marah"..

Wak tulis :"aok emang dil..kaben dul keripot ngata dirik..dak tau dirik leteh2.entah siapa ngajar e"..

Yak jukadil :"denglah mang..nama ge budak.mang,ade ball voli dak"..

Langsong wak tulis naek dareh e.langsong ngambik kasot jepang e.

Wak tulis :"ohh...ki ne rupa ok..ngajar kaben dul keripot ya...kesine ki luk..."..

Plaakkkkk..yak jukadil kena tumpak kek kasot.sudeh ya...dak sadar yak jukadil lumpat.hampir numbur nek tijah pulang mandik.dalem ati geram yak jukadil.mane kena peluntang.mane duit melayang 2 ribu..kena tumpak kek kasot pulik.
Besok e yak jukadil nyerita e.kami ngakak kek ketabe..

Dul Keripot

Yak Andi As "Seneng ati ko..."

Pulang dr Belitung badan ko asa remuk .Amper dek pacak bediri .Mane ade janji kek kawan kawan nek ngumpol di umah ko muet pundok.Hape la bedenyut diulah kek Dul Keripot.....leteh jawab e.Imang ko lah madeh kek Dul..ki lah Dul ketue gawi e.Ko ade acara di Belitung .Pacak pacaklah ki ngator e .Urang umah ko la siap kek pemaken .
Pas nek pulang di telepon ulik kek Dul.Ade peradek dari Tangerang.Mawek kue segale.Ade ulik Rahma mawek kue yetyet,celepon,keruket..weu asa netap aek mata ne...terharu...seneng atiko.......yang laen sibuk nebas,nunu rumput kek kayu,mikul kayu.......
Wak Tulis ukan maen ganteng e...pakai batik...yang dek setulong cincin burok e dibalot kek kertas mas ugas rukok surya..kenek ujan ulik....luntur kenak tangen e.....tapi pede terus.....gaya wak tulis uman wali kota.....nunjok nu nu njuk keni...ngidop api dek pacak aben..hahaha..wak tulis...mesege pacak e nulis bae.......tapi ko seneng kek ayak sikok ne....
Ade yak yanto..weu rajin e....Terakhir yang ateng Jukadil baru pulang dr Jakarta...lom pulang aben ke umah la mereh kami di pundok.....biar dek begawi aben..ku seneng.....Aris hebat..Ziqri kuat...Dul ape agik..imang luar biase calon Maryanot ne..........asli..ilang leteh ku.Ape agik ardian kek Rio ngajek anak e.....maken ramai e...wanda pakai baju ari raya..tepakso ku suroh genti pakai bajuk ku hadiah rukok....
Men ade Ardan..ko yakin nya gembira..seneng.......leteh ko ilang..ningok urang kaben ya begagit...apa mua malem e...bekerok kek urang umah....tekaroh kerik punggongko dikantet e....ahe..ni lah idop.....nek seneng kita lah nentu e...nek saro kita ulik la penyebab e.....ikak nek mileh yang mane ?Men Ardan mace ne...tulong didu'a biar semue e lancar ok.........tuk semue e..makaseh...tuk urang umah ko ai lop yu pull..hehe......

Hari ape duluk.pondok yak dul rame dateng tamu.
Mulai dari pejabat sampai kerabat.
Dak lupa tamu yang dak terti malu.asak namu nak minta kupi terus.
Ade jukadil,aris,rio de jainero,yak ziqry,yak andi as,yak firdha comp,wak tulis,ardian,haris..yang dak yak dul tulis maaf ok..takot dak muat.
Dorang penasaran soal e..
Hari ape duluk yak dul pernah ngomong.
Kalok yak dul ne ade sayor kangkong besak.
Saking besak e..tikos keluar masok dari lubang e.
Tu lah..gara2 tu dorang bekumpol dipondok yak dul.
Lah kayak artis yak dul ne.kedatangan penggemar.bahkan ade yang dari jauh keluarga ef hastuti dari tanggerang.
Semue lah bekumpol.yak dul lah siap2 nak merik pidato (ahey lui asa jadi orang benar).

Yak dul :"jadi ikak kesini ne..nak nengok kangkong besak yg tikos keluar masok dari lubang e ok...tapi ade syarat e"..

Wak tulis :"yo lah dul..cepat lah..ape syarat e..ko ne penasaran..lah puluhan taon umor ko..loem ade ko nanem kangkung besak"..

Yak andi :"aok emang ya wak tulis..sama ya kek ko"..

Yak dul :"aoklapun..tapi syarat e.tolong ikak sumbang duit ok.ya lah ade kotak e.duit ya kelak e ko pakai kek mangun pondok.tempat kite bekumpol.ikak pahamlah..law diumah ne..bak ko nak tiduk".

Jukadil :"aoklah dul..ne ko nyumbang seribu..kelak nyusol"..

Akhernya nak dak nak dorang nyumbang.lah sudeh nyumbang.yak dul ngajak dorang ke kebun.

Yak dul gale :"seperadik gale..ya boh kangkung e"..

Ardian :"dul..dull..ya ko ge banyek.kata ki kangkung e besak tikus keluar masok lubang e.".

Yak andi lah senyum2.dalem hati e pasti dul ne bikin ulah agik.yang laen manyun muka e.

Yak dul :"dok..ko dak bebulak be..cube ki tengok..pinggir kangkung ya..ade lubang tikos.asak lah jam e.tikos keluar masok lubang e..ko kan lah madeh.kangkung besak..tikus keluar masok dari lubang e"..

Yak andi ngakak ketabe.."Ha haa...benarlah kata dul e ya..kangkung besak..tikus keluar masok dari lubang e...bukan lubang pelepah kangkung ya."..

Jukadil :""ha haa..aok emang ok...dul dul.teliwat ki ne..sekampong orang kena peluntang"..

Yak dul lah ngakak ketabe.tapi dalam hati bae.karena keliat e wak tulis kek yang laen agik manyun muka e"..

Yak dul :"sebgai tanda maaf yak dul..ikak nak mutek kelapa mudek puteh lah..nu boh bateng e.
Waiii ukan dk ingin wak tulis.loem sudeh abenlah yak dul ngumong.die langsong naek.
Wak tulis dak tau abenlah.kelapa yang ditaek ya.kelapa mang talaha.yak andi,jukadil,aris malaka,ardian,lah tau kalok kelapa yg wak tulis taek kelapa mang talaha.dorang langsong pulang.
Sampai pagi sok e..ade kabar e..kalok wak tulis dikejar kek mang talaha pakai kayu api..naseb2...dak tau ngapala wak tulis..ok..

Dul Keripot

Cinta Ko Buat Maryanot

Oh..maryanot..
Memandangmu matako dak linot.
Mata mu seksi walau juling sebelah kiri.
Bodi mu aduhai kayak ayam gulai.
Rambutmu terurai kayak buah petai.
Oh..maryanot..
Cintaku padamu selulong2.
Walau dirimu dak bebilong.
Oh maryanot...
Masih ingatkah kau sewaktu SD duluk.
Kita sama2 mutek pucok idat.
Dikebun pak sadad.
Kita bedua naek kerito unta bak ko.
Walau kite bedue numbur bateng karet.
Romantis kayak seleberitis.
Oh maryanot...
Oh maryanot..Iloveyau.

Dul Keripot

KETILON

Di Bangkek deng musim kasot cunghai.Dari budak budak sampai urang tua makai kasot ya.Untong urang mentinak dek nek makai kasot ya..sual e keras..maklom dari karet ban .Cunghai men kate urang luk e..kasot urang chin.Biase e dipakai tuk beburu ke utan .Belapon rusa,babi kek laen laen.Entah sape yang mulai e...cunghai jadi ngetop.Dipakai otang mudek.Tuk begaya.....
Cunghai ya ade yang ditambeh sol e .Jadi e tebel.Men urang pindek ketingok e jadi tinggi....Ade ulik yang dicat ..jadi warna warni uman pelangi.........

Dul keripot dek nek ketinggel men sual cunghai ya.Cunghai Dul dicat warna warni .Cat e ngambik dari tetangga e sisa ngecat umah..tingkap,lawang,kek laen laen lah........

Waktu ya Dul agik asyik ngecat cunghai e...

Dol Keripot : "weu..bagus e cunghai ko ne..matie ngelawan e.Dek de urang di kampong punye yang cem punyak ko ni.....

Tengah asyik ngecat cunghai ya......ateng Bujang Lungoi tegupoh gupoh..

bujang Lungoi ;'dol...dol...cepet ....ade urang nebeng pisang .Kenek anak e...potos....kesian...cepettt Dol.."

nenger kate Bujang Lungai...cepet Dol berangket.Dipakai e cunghai yang baru di cat ya..lom kering ulik.......

Cepet dorang due nuju tempet yang ditunjuk Bujang Lungoi .Di jalen ketempoh kek Maryanot .

Maryanot :'nek kemana ya Bang ? gupoh gupoh ne...dek ngerinah ko aben ' 9agak cemburu maryanot 0

dol Keripot :"anu Dek..maaf imang agik kededep ne.Kate bujang lungoi ade urang nebeng pisang kenak anek e...ko nek nulong e.."

Maryanot : 'hahaha abang ne.....pecaya bae kek Bujang lungoi dek renang ne.Imang ade urg nebeng pisang.Kenek anek e.Imang potos "

dol keripot ' ne..bener kan / dimane Not !"
maryanot : 'dimata ne.....yang potos ya anek pisang e...ukan anak orang yang nebeng e. Bak ko la yang nebeng pisang ya..."

malu e Dol dek teitung agik.Cem bulu kucing .Bekarung karung malu e Ketilon Dul Keripot nenger kate kete Maryanot.Mane cunghai yang agik baseh ya..leket cat e sekaki kaki....ade ulik yang nimpel di muka e.....Apa mua....kenak Bujang Lungoi dikeruce kek Dul Keripot......

Dol Keripot 'jang..jang...men dek miker panjeng...la kenek ka ku tepileng...malu ko kek tunang ko.......yo ka ulik ngecat cunghai ko ne....awas men dek bagus.......Ya lah kisah pagi ya..becicoh Dul Keripot kek Bujang Lungoi....
Nama e ge kawan....sudeh ya la maen ulik urang due ya.....urang kampong Bangka imang cem ne........ramai kisah e.........


Andi As

Dul Keripot Jual Duren

dikampong yak dul agik musem duren.
ukan dak ramai pundok yak dul.siape ge dateng.
ade kawan yak dul dari kampong dul.name jukadil aswad.
die nak meli duren.kata e nak diberik kek cewek yg baru die kenal.
nama e julaihot.
maksod ati yak jukadil ne..nak mikat julaihot pakai bueh duren.
pas yak jukadil dateng..yak dul ne tengah bekisah kek yak ziqry..rencana nak mangun pondok dikelekak bangka ne.

yak jukadil:"oooo dull,ko nak meli duren luk.yg murah bae ok.maklom tanggel tua".

yak dul :"aoklah...nak berape ikok..ade yg murah...5 ribu jadila"..

yak ziqry :"pasti nak merik kek julaihot"

dak lama yak dul bungkus duren e.lah sudeh bungkus.yak jukadil langsong pulang.yak ziqry ge pamit pulang.kata e nak ke kebun e.nak mutek bueh tampoi.
pagi sok e...lah ade ulik yak jukadil ke pondok yak dul.pasti nak meli duren agik.tapi yak dul tengok muka e ancok.

yak dul:"ngape yak jukadil..ancok muka ne"

yak jukadil :"ancok gawe ne dul...cinta ko ditolak kek julaihot"

yak dul:'ape pulik hal e..."

yak jukadil:"cem ne dul...duren yg ko beli kemaren e...sekali ditebok isi e mangkang gale...bau e dak salah...ukan dak malu ko.mane adik-adik julaihot lah bekumpol nak maken e"

yak dul :"ha haaaa...yak jukadil2..tu lah sage nak meli duren murah...ko ge lah tau,duren ya dak bagus.yo pon kita mutek yang diseberang nu"

dak lama gi kami ke batang duren seberang ya.yak jukadil..yak dul tinggal..tapi dak lama..ade muncul e.nak uman orang terumpak.

yak dul :"ngape kawan,,,nak uman di usek antu ne"

yak jukadil :"ki ne dul ok..law dak meluntang urang.loem sudeh.ko di usek mang talaha kek pareng.rupe e duren mang talaha yg ku tunggu..dulll dullll..."

yak dul ngakak kek ketabe.karena kasian yak dul berik buah duren bagus kek yak jukadil.senang hati yak jukadil.pasti dapet ngerayu julaihot agik..kwkwkkwk,,,,,,

ya cerita e.


Dul Keripot

Ukan Cempedak..tapi kaki mertua .

Ni kisah kawan lama amang.Tau kan ikak ? Sape agik men dek Sumin .Amang kek Sumin paling akrab .Dari SMP kami bekawan.Sampai masok pramuka .Kami bepisah waktu tamat SMA.Entah kemana Sumin kinik e.Umah e di jalan trem la dijual.Men ikak ketemu kek nya sampai lah salam amang......(Imang e ikak tau kek Sumin ? hehehe )

Kisah e..di kampong waktu ya musim cempedak.Banyek bener bueh e.Men di Bangka cempedak yang isi e tebel , warna e kuning paling ingen urang maken e.Men warna e puteh jareng urang nek maken e...kurang nyamen .Waktu kisah ne tejadi...Sumin ade di umah mertua aka e di kampung gudang nu......Kampong gudang banyek urang nanem cempedak.Temasuk Mang Derani..mertua akak Sumin.Amper ku lupak mang Derani ne kaki e mbesak sebelah .Kate urang kampong kaki gajeh.Ade yang nyebut e..kaki untet.....Mang Derani baek urang e....

Mang Derani :"Men nek maken cemedak mileh bae Min.Pek lejuk dapuk ya.Pileh bai.Men la lemah reti e la masak.Jangen cak cak malu men di umah amang ne"

Sumin :"Auk la Mang.Pacaklah ."

Malem ya kire kire jam sepuloh malem.Mang Derani tiduk dilantai .Ukan diamben.Dek jauh dari tempet cepedak diperem.Malem ya lampu pelita abis minyak e.Jadi begelep .Ade lampu kecit bae dari ruang tengah.Tempat Sumin tiduk.Inget kek umong Mang Derani..nek maken cempedak ambik sendirik.Pileh men la lemah reti e la masek.Mulailah Sumin ngerinah cepedak di lejuk dapuk.Gelep .Sengajek jadi tidak ketempoh kek mang Derani.Malunya riikk......Mulailah dipileh.Agik keras bae.Lom masak.Becariklah Sumin lem gelap nu.....Tangen ngerabe...bende bulet panjeng...cemedak ni besak ge....di pjit e lah bende yang disangka sumin cempedak ya..kuat ulik mijit e...'wadau....ape ne......"suara mang Derani uman petir malem ya.Sape mijit kaki untet ko ne......"
Malu e Sumin seutan utan...Salah pileh.Salah cecep ulik.Kaki mertua akak e disangkak cempedak..ahe luy....tu la men icak icak malu kucing ....

Kabar e gara gara hal ya..dek nek agik Sumin ngikut akak e ke kampung .Malu kata e......syukorlah Min, men agik tau reti malu..nyangkak ko dek ngerti agik kek malu...hehehehe......


Andi As

GARA GARA LEMPAH KEPALE MAYONG.....

Dek nyangkak aben men ari Sabtu mari banyek peradek dateng nek bekumpol di kelekak kampong Bangka.Imang ari ya pagi pagi ko lah ke pasar pagi, nek meli pemaken .Udeh ge nek meli ikan mayong pesenan Dul Keripot.Paleng pacak Dul ne men urusan makan.
Dul Keripot : Yak..padeh kek ayuk,isok ku nek maken kepale mayong.Pedes men yuk ok.Kunyit e banyek la.
Nyerucos Dul macem kek mutor burok yak Andi .Bini ko ngangguk kepale bae..Aukla Dul....bereslah...tapi nebes lalang banyak men.......
Jam sembilan kami la nebes.Lebeb..Dul dek mawek apa lah....paksa ko minjem parang tetangga yang lah lama dek ketempoh kek peradek e...(
maksod ew..tumpol dek suah diasah )
Ingen e ko nengong kegawe Dul Keripot.Semanget nebas e.Nyanyi ulik .Lagu Meggy Z..jatuh Bangun.Weu bagus suara e.Aris Malaka sampai bejuget juget....."Yo...cepet men nebes e..jangen nek begagit teros.."kata ko negur urang due bekawan ya.
Dul nyanyi teros......"adaw yak....Dul berenti nyanyi..kutingok tangen e mirah.....upe e disenget kek namer....tabun kecit...ketabe kami kek Aris.Lanjut nebas....ku la curiga..pasti ade yang nek dipeluntang Dul Keripot ne.....
Dul Keripot :Ris..keni pok ya....cem ade batu kinyang ni.."
Nenger batu kinyang Aris yang tenga gile batu cepet cepet mereh Dul.Nyingkap lalang..."Adaw..ape ne Dul....saket tangen ko.."
Dul Keripot :'tadi ikak ketabe kek ko..tu lah asa e ..disenget tabun.
Due urang disenget tabun pagi ya.Tepaksa ko jampi jampi.Untonglah agik mejerab.Sembuh..lanjut nebes lalang e..sampai bini ku nugek nyuroh maken.........

Di mija la ade lempah kepale mayong.Dek sabar aben Dul.Langsung sikat.Ku tengong imang rajin budak ne maken kepala mayong.Sruttt..cut..cut..nya ngisep kepala mayong.Sempet berenti ko kek Aris maken.Nengong tingkah Dul.Lebeb...makan ge nek ade imperovisasi e.......Cut..cut..diisep agik la abis due ikok kepala....kek dek kebagi ko kek Aris digawi kek Dul ne.......Dek lama aben ade karoh Dul....

Dul Keripot :'Adui....apa ne.....bedereh bibir ko.....jahat ge ikan ne Yuk "

Bini ko ketabe.....ku tengong ade bekas tulang kepala mayong leket di bibir Dul Keripot......Aris ngigel ketabe e......sampai dek udeh nya maken siang ya.......Saking nyamen e Dul Keripot ngisep pale mayong..dek sadar tulang kepala ikan ya nusok bibi r e......Dul...Dul.....dek salah aben kata urang diluar nu...ki imang gile ulah....

Bagus la gawi ari ya.....dateng Jukadil.Dian ,ade ulik Prabowo dateng ngebantu nunu lalang...weu seneng e ati ningok gawi urang kaben ya....Dul sampai malem di umah ko.Imang rajin budak ne pikir ko.Pas bedup megerib bebunyi....nya sembayang.Ku nek sembayang surang yak...'kate Dul . "basinglah Dul."kata ko.

Udeh sembayang dUL ngirop kupi siang tadi .Nyantai nya ngupi.Dek sadar aben men di kupi ya lah ade semut e.....sengajak ku dek negor e....untong dek digiit semot.......
Malem Dul baru pulang.Dijempot kek Jukadil p-akai uto.Ngeringai gusik e diajek naek uto...........Weu Dul....kelak pasti ka tebeli kek uto..du'a ku tul Dul Keripot,urang ganteng ketue kampong Bangka..................................


Andi As

ngerepas ayem utan

Kami belime sekawan ari ya gi gutong ruyong di kampong Bangka.Rencana nek ngesat kayu bulet tuk pundok.Pundok tu kelak nek dipakai ngumpul ngumpul.Muet rencana kek lain lain e.Pukok e seger la.Pundok ya numpang di tanah Bik Tini di Kampong Bukit Merapen .Cuma numpang ukan diberik.Jadi men bik Tini nek makai tanah ya..dek tau ngapalah.......name ge tanah urang .

Kepala rumbong kami biase lah Dul Keripot .Urang ganteng kata mak e .Kate Dul kami dek usah mawek lauk.Kelak pacaklah ngerepas ayam utan.Dipanggang nyamen asa e.Tinggal cecel kek sambel butul.Lah siip....

Mulailah kami berangket ke utan nek ngesat kayu.Segale pekakas dibawek.Pareng,Kapak ,Gergaji.Cuma Dul laen yang dibawek e...Dul mawek isok dapuk mak e..la karat ulik....ya lah hal e yang muet kami gerigit....

Jukad :'la nua ki ne yak.Pacak ape ki kek isok karat ya...nek besunat ok.'

Ziky :'tah lah ok .Budak sikok ne .Kelak men dikate budu..bejik ulik.

Aris : 'tuk apa ya yak isok karat ya..

Dul : 'Nek mutong ayem ..sapa tau perepas kita kenak "

kawan2 ; ohhhhhh.......cem yaaa (mirip bunyi riu kumpang )

Kami la mulai ngesat kayu .Dul kek ko masang perepas luk.Pinter imang Dul muet perepas.Ade lime ikok perepas kami pasang di utan ya.........La udeh ngesat kayu kami ge istirahat.Ko kek Dul ningok perepas yang kami pasang di utan.Imang bener ada due ikok ayem utan tegantung di perepas.Ngeleper keni kenu.Kami tangkep langsung kami putong.Ku hiran..kata Dul ayem utan..tapi yang nyangkut ayem jago.Kelak punyak urang udeh e.....pacak jadi hal .Ayem dipanggang.Nayamen umun asa e.Jukad kek Aris sampai karep jadi e...eekkk....eek...bedehek due urang ya.Ati ati jok....dek kawa kedadak ayem....

Dek lama ben udeh maken ade mang Tuha tegupoh gupoh mereh kami.
Mang Tuha ''ade dek ikak nengong ayem jagok ko..ku la sekaput nyarik e...warna e item mirah..panjeng kitok e...

Dalem ati ko sama kek ayem yang kami perepas.Kelak ayaem ya yang dimaksod.Ku nyuet Dul.Dul dek retak aben.Teneng bae. Dek lama udeh ya ade karoh man Tuha.

Mang Tuha ; 'nI..BULU E....weu la diputong.Ade bekas dareh e.Mulai curiga mang Tuha kek kami .Ikak lauk ape tadi ?

Dul ;ayem utan mang,dapet ngerepas........tu bekas bulu e...men amang nek agik ade ni...dek abis kami makan e....Mang Tuha ningok bulu ayem..mulai nya meraning...

Mang Tuha ;'ikak rupe e...yang ngambik ayem ko..ayo ikak genti...genti..men dek ku lapor kek hansip kampong

Dul ;mang..tu ayem utan.ukan ayem amang.Tanyak lah kek kawan kami ne...kami ngerepas lem utan ne......masak mang kami maling ayem amang..Dek sesuai agik macem e...

Mang Tuha dek nek damai aben.Kami dibawek ke ketue kampung.Kami disidang.Dul teneng bae...mese ge imang dapet di utan.Ukan di kampong.Kami diadu mang Tuha.Mang Tuha akhir e kalah.Sual e dek tebukti men ayem tu ayem nya .Kami dek tau aben kisah e....ayam mang Tuha ape kan ......imang dapet e di utan .Anye gara gata dapet di utan...udeh tu ade ulik bukti perepas e....kami dek jadi diukum.Mang Tuha abis dikeruce ketue kampong.Men nek miara ayem dibuet kandang e..ukan dilepas cem ya bai........sapa kek tau...ayem ya ade dek yang empuk...men lem utan..reti e ayam utan...biar sebener e ayam jagok.........
(Dul ngigel ketabe.....Masak ge ikak dek tau ayem utan ape ayem jago.Yang kite putong tadi ayem jago dari utan...ayem utan ya jembang urang nyebut e......Dul Dul..jadi imang ayem Mang Tuha yang kite putong tadi......keliwat ki ne Dul.....sude ne betubat rasul kami dek nek agik ngikut ngerepas ayem utan........tubaaaatttttttt)



Salam
Andi As

SERABI KUAH CABIK

SERABI KUAH CABIK

Oleh ANDI AS

Serabi Aek Cabik....
Nek Julaiha mertua Mang Telaha rajin umun men muet pemaken ne.
Tu rupee e yang muet belau gati jelat ke pundok mertua ya.
Maklom banyek pemaken e.Ade celepon ubi, kiping,jemput cepedak,pukok e banyek.Dul Keripot gati lah di ajek Maryanot ke nu.
Ukan maen seneng e Dul Keripot asak diajek makan geratis.Dek kek nulak .Maklom Dul Keripot ya romantis urang e...rokok maken geratis ..hehehe.....
Sure ya Dul la siap nunggu Maryanot dibaweh bateng binjai dek jauh dari umah Nek Julaiha.Men nek ke umah takot kek Mang Telaha.
Takot ditudoh ngambik kasut ulik.Kabar e Nek Julaiha bikin serabi.Maklom tenga musim duren .Biase e asak musim duren banyek urang bikin serabi aik duren.
Serabi nek Julaiha nyamen asa e.....ape agik kuah duren e..Manis...nyamen......la ngeleleh aek yuk Dul.Not..lame ge ?Bile nek gi e ke umah Nek Julaiha ? La bekerot kening e.....uman kepindeng dipijek kek kasot ..ngerunyot.........
Dek lama sudeh tu Maryanot ge nampak bateng idong e.....Ukan maen seneng e Dul Keripot.Digendeng e Maryanot cem pilm India.Maryanot malu..cepet cepet ngelepas tangan e.
Sampai di umah Nek Julaiha.....Dul Langsong nyium tangen e.Maklom..ngambik ati calon nek ........Seneng ati Nek Julaiha.Calon Maryanot ne..ganteng...supan ulik.....dek bener kate Telaha men Dul ya gile ulah.Alhamdulillah....'langsong be Dul ke mija dapuk..ade la pemaken dikit....Ki bantu nek Luk Maryanot....
Dul duduk sendirik pok mija maken ya.Dibaweh tudung saji imang lah ade due tangkop kue serabe.Ngerecep aik yuk Dul...Kuak e mane ok ? Becarik Dul kek kuak duren tuk kembar maken serabi.Oh..ni upe e...Dul nemu butul berisi aik warna e mirah gule kabung.Langsung dek pakai tawar agik, serabi diambik e setangkop.Gelak pek piring.Langsung dicampur kuak dalem butul.Suat suat Dul nyrengol kepala e..takot ketengong kek Nek Julaiha..sual e lom disuroh maken aben..Dul la nyikat Duluk.....
Dek pakai Bismillah aben...ditangop e serabi ya.....Wau...leleb..pedes e....pedes e..aek..mane aek......diteguk e aik lem pangak di lejuk dapuk e..gelegek...ehmmm...agik la pedes e.....minom agik..glek...glek....dek takot aben saket perot....
Nenger suare ngaroh di dapuk,Nek Julaiha kak Maryanot nampek.Maryanot megang mangkok.Ade isik e....
"Ngapa ya Dul..ki ngaroh "tanyak nek Julaiha..."Ngape Bang?betanyak ulik Maryanot..nengong tunang e ngaroh...
'Ikak ne meluntang ko.....kata e serabi aek duren..ngape pedes cem ne .busuk ulik bew e......"
'Hehehe......"Ketabe Nek Julaiha.'ya cukak tauco Dul....kembar nek maken salai parik.....Ni kuak duren e...berik Not kek abang ki ne.."ngigel ketabe nek Julaiha.
Dul setengah ati nerimak mangkok aik duren dari Maryanot.Malu e selaot laot...'Tu la bang..ngape dek sabar ne //Kan lom disuroh maken....sudeh ya serabi yang abang maken ya..nek diberik nek kek kucing..la basi..mesege....Ni serabi baru e....agik anget...."senyum Maryanot.Imang gile ulah tunang ko ne.....untong ganteng cem Roy Marpaung..men dek cem ya..dek kalok e ku nek kek nya.....
Due kusong kalah Dul Keripot sure ya...untong la Mang Telaha dek de pek umah ya....kurang la malu e.....nutop malu ,Dul cuma maken dikit bae serabi yang dibuet nek Julaiha...untonglah Maryanot paham..disuap e Dul...(ya Allah..aloi e Dul Keripot....men ade ko pasti la kupelideng kek belacin tunu )
Dul...Dul.....sebile kek renang ni.....malunya rik...untung Maryanot sayeng kek ka..men dek...dek tau kisah agik la....ahey lui ...

SALAM ANDI AS

SETIDUK DI MASJID

SETIDUK DI MASJID

hari ne luar biase panas e.
gi kemane-mane malas asa e.nak beteduh di ruang ATM takot kena keruce.
tapi yak dul nak bekisah luk.
pas jumat duluk yak dul ketemu kek yak andi as.'lah bagus senyum e.
pasti bik tinot dak ngeruce agik gara2 sms duluk e.
tu lah sage begatel igak.
dimasjid kami dudok bedue.shaf pertama kalaw di itong dari mulai lawang masjid.
kami bedue bebisik,bekisah rencana kek mucak pondok kampong bangka ya.
bekisah-bekisah sekali yak dul tengok.rupe e yak andi setiduk.
besander kek dinding tembok.
Daklama lah sudeh khotib mace khotbah.sholat jumat lah kek mulai.
orang nak mangun yak andi.tapi yak dul larang.biarlah kata yak dul.dak jadi nganggu orang tiduk.kata guru ngaji kami duluk.
dak lama orang lah pulang gale.yak andi dak bangun lah loem.pasti mimpi jando kampong seberang kemaren e.ujong2 e yak dul tinggal bae.
jam 3 yak dul ke masjid agik.pas di masjid yak dul tengok.agik tiduklah.
orang dak berani mangun e.

yak dul :"yakkk,,bangun lah sholat ne"

yak andi kebangun."selebeb dul,,ko setiduk,aoklah ko nak ngambik wudhu agik".

lah sudeh ngambik wudhu.sholat bejema"ah.lah sudeh sholat yak andi ne bingung.

yak andi :"dull,ngapanya..orang sholat jumat ne...4 rakaat....biase e kan due ge"

yak dul :"yakkk yakk...ne kami lah sholat asar..ukan jumat agik.ayak tiduk lah dri sholat jumat tadi.dak kawa ko mangun e.dak jadi nganggu orang tiduk"...

       yak andi malu ukan-ukan agiklah.mane mertua e nengok die pulik.

yak andi:"ki ne dul okkk...teliwatlah..nggaknya ngemangun ko.ne pasti di kisah kek bini ayak.lah kena keruce pulik gawe ne."
haaaaaaaaa......ya cerita e seperadik.saking seger e yak andi tiduk.dak sadar hari lah asar.dak tau ngapala yak andi.wkwkwk


SALAM DUL KERIPOT

puisi buat maryanot

Puisi buat maryanot...
 
ko panggil nama ki
ki dak nyaot
ko sebut nama ki
ki dak retak.
ko bilang i love you
ki dak tau arti e
ko kejar ki
ki lari
ujong-ujong e..
ko kesel..ko ambik buah binjai.
ko lempar kek ki....
ehhhhh kena bak ki..mang talaha.....
ko lumpat tunggang langgang.
numbur mak ki tengah jemur bajuk.
begitulah perjuangan cinta dul keripot

Tanggel mirah

Tanggel mirah

28 maret 2015

zaman sekulah duluk.kami beempat.

paling sering kena ukom kek guru.

perihal dak laen karena telat dateng kesekolah.hampir tiap hari disuroh berdiri

.guru ngk agik ngukom kalok disuroh mersih wc.

soal e kami belima pasti maen aek

.kelak kalok baju baseh disuroh guru pulang.
tu lah kami ingin kalok disuroh mersih wc.
tapi ade sekali kami jera..

hukom guru berdiri dari pagi sampai pulang sekulah.

sampai kapel kaki gale-gale e.

sudeh kejadian ya kami jerak dateng lambat

.pagi sok e...kami belima dateng pagi2

tapi yak dul lambat dikit.dorang beempat duluk kali pegi e

loem ade jam 6 lah datang kesekolah.bekisah dorang be empat ya..

bujang lungoi:"akher e kite dak telat agik..tengok urang loem ade datang.kite lah duluk kali".
.
borai:"aok emang....tapi mana ok dul ne..kek kena hukom lak e"

dak lama muncul yak dul..yak dul langsong ketabe ngeliat tingkah dorang be empat ya..

"""ha haaaaaa....ikak ne budu e....ngapa nya ikak sekolah.pagi pulik dateng e....hari ne tanggel mirah.urang dak sekulah"

bujang kedingol :"pekak ge dulllll......panteslah dari tadi dak sapelah dateng.ki ngapa pon sekulah.lah tau tanggal mirah".

yak dul :"ko ne sekulah karena demi kekompakan persahabatan kite belima ne"

       dorang berempat jadi terharu.dak tau aben.yak dul ge dak tau kek tanggel mirah.
yak dul baru tau setelah setempoh kek yak andi as tengah nyabut ubi..wkwkwkwkwk

aek yok basi (air iler)

aek yok basi
(27 maret 2015)

kisah agik sekolah duluk.
ne waktu yak dul kelas 6 Sd...MARYANOT kelas 3 SMP.
padahal masok SD sama-sama.
ketinggal yak dul,karena guru SD sayng kek yak dul ne.
hari ya hari senin pelajaran IPS.di ajar kek bu soleha.
bu soleha ne agik seperadik kek mang talaha.
jam 12 lewat.lonceng lah kena pentong.
tanda e waktu pulang sekolah.
sebelum pulang bu soleha merik PR.nyuroh muat peta pulau.
lah bingung yak dul nak muat peta pulau apa.
pagi sok e yak dul hampir kesiang.gara semalam begadang nonton film friday.mak lah ngeruce.

"dul..jadilah tiduk ya..bantal ki ya..lah penoh aek yok basi e,,lah kayak peta pulau'',kata mak yak dul.

yak dul :"pekak ge mak...aoklah pon.ko nak cuci muka bae.baseh rambut,dak mandi langsong sekolah".

orang lah masok yak dul baru dateng e.bu soleha langsong nanya PR.

"ayo...PR kemaren kumpol"kata bu soleha.

yang laen ngumpol termasok yak dul keripot ne.tapi loem dudok abenlah yak dul.lah kena keruce.

bu soleha:'"dulll...apa2 ki ne.ngapanya ki ngumpol bantel ne.mana bau pulik."

yak dul:"bu...ko lah muat Pr..cube ibuk tengok di bantel ya..lah ade peta pulau e,....mak ko madeh ge cem ya"
bu soleha :"astagfirullah dullll...ne nama e aek iler ki tiduk,ukan dipeta,berdiri ki di tiang bendera nu..sampai istirahat:"

     kawan-kawan ngakak ketabe,malu dak setolong agiklah.cemya cerita seperadik.ikak suah dak muat peta pulau kayak ya...

salam dul keripot

BEGAYA IGAK

BEGAYA IGEK.......(OLEH yak ANDI AS)

Surau kami di kampong Bangka dapet hadiah dari pak camat.Se set toa kek mik .Men sebelum e muadzin ngaroh ngerik ngebang , kinik e dek perlu agik.Ngeluar suara kecit ge..kedenger .Ade yang muet gelik ati ne...sejak ade mik ya , pengumuman ape ge pakai mik.Dari urang ninggal sampai ilang kasot.Macem macem bai tingkah urang di kampong Bangka ni.....tapi nek ngumong apa...ya lah ade e.......
Ari ya pas ulik ari jemat.Banyek urang sembayang di surau ya.Pas ngebang,Mang Juhai luk kali megang mik.Dak rila uman e,men urang laen yang kek ngebang.Maklom aloi.....ape agik cerita e...ade pak camat nek ikot sembayang jemat.Pas beduk dipaluk..mulailah Mang Juhai ngedeket mik......masang gaya,tangen di bilung macem yang di tipi tuh...
Dek nyangka aben men Mang Juhai ade gaya laen.Nyangka urang lah nek ngebang...tapi Mang Juhai ngetes mik luk...tok tok...mik diketok sude tu disebu ulik..toktok..husshhh..idop , lom puas ngumong ulik..testing..testing..satu due tige.....nule urang kek mang Juhai...Wak Salim ketue surau la mulai meraning......untonglah di mesjid....udeh lah Mang Juhai ngebang...bagus nian suara e.....pacaklah ngambik ati wak Salim.....
Sembayang jemat ge udeh.Ade yang langsong pulang, dek ikot bedu'a...maklom .Tinggel wak Salim,Mang Juhai,Mang Telaha,Mang Dul Rusip.Panjeng du'a urang kaben ya.....
Testes...ruuuuupp...geledar.....ujan petir dateng.Weu cem mana ok nek pulang.Mane dek de payung ulik...pikir Dul Rusip.Bedu'a la sudeh.La besalam gale urang tua ya......
Dek lama udeh tu Mang Dul Rusip deket mik.Mulailah Mang Juhai komentar...'Nek ngapa yak?tanyak Mang Juhai ."Ade perlu...jangen ki bai megang mik ni,'agak meraning.Ngerunyot Mang Juhai disegak Dul Rusip.
Mulailah Mang Dul Rusip megang mik ya...
'Asallamualaikum warohmatullah hi wabarokatuh..." mantep suara e.Nyangka urang kampong ade hal penting.Lanjut Dul Rusip ngumong "dul...o dul..ki ke surau ok.Mawek payung tuk bak.Ujan nih Dul.Cepet men.' urang sekampong ngakak...nyangkak e pengumuman ape ujan ujan cem ya....dek tau Mang Dul Rusip nyuroh Dul mawek payung......ketabe kek ngurot dade urang tua yang agik ngumpol di surau ya..........
Ni lah Gaya Dul Rusip.panteng ade barang baru.Nek dicube gale.........wak Salim tebatuk batuk jadi e.......macem macem bai gawi urang di kampong Bangka ni...........bantailah yang penting akur..dek bekelai...............

SALAM YAK ANDI AS

Puisi buat maryanot di atas bateng karet

puisi di atas bateng karet
27 maret 2015

Siang seperadik gale..
Yak dul nak becerita luk..
Yak dul ade muat puisi cinta kek maryanot.
Puisi romantis penoh makna.
Aheyyy luii...asa benarlah.
Nak nunggu moment yg tepat tu mace e.
Nyari lokasi yg bagus.
3 hari 3 malem yak dul merenung dibaweh bateng binjai.
Akhernya yak dul lah ade lokasi e.
Lokasi yg sering diliwat kek maryanot.
Ape agik law bukan..dibateng karet.
Jalan nuju aek mandik.
Biase e yak dul lah tau jadwal maryanot gi mandi.
Dengan bak pangeran.yak dul naek bateng karet ya.berharap maryanot lewat.
Dari jauh lah keliatan.
Linggak lingguk cewek pujaan hati.
Yak dul mulai bace puisi e.

""Ohh maryanot...
Pujaan hatiko..
Ko cinta kek ki.
Ko sayang kek ki..
Ingen ko melamar ki.
Oh maryanot..
Wajah mu cantik.
Beda kek wajah mak ki.
Dirimu teros senyum
Sedangkan wajah mak ki..merengut teros.
Nak uman tapai tumpak ke dinding"..
Ohhhh maryanot....
Loem sudeh abenlah yak dul mace puisi..ade karoh dari baweh.
"..woiii...budak sial..turon dak ki.ki ne ngata ko ok..jangen arep ki nak mereh maryanot agik.turon dak ki..ko namper ki kek kuali item ne"....
Astagfirullah..rupe e mak maryanot yg lewat..ukan di maryanot.panteslah nya ngeruce.sage yak dul piker maryanot yg lewat.mane kuat pulik yak dul mace puisi e.ancokk ancok......dak keliat gara2 setutop kek daun karet.
Maaf mak maryanot ok..wkwk..
Ya cerita e seperadik

salam dul keripot

ATOK MUHA

ATOK MUHA
 26 maret 2015

sore..petang seperadik gale..
lah pulang begawe loem...
yak dul baru pulang lah ne.banyak tamu datang hari ne ke pondok yak dul.
yak dul nak becerita luk dikit...
tadi pas sudeh maken siang.
atok muha dateng ke pondok yak dul.
minta kanti mucak gigi motor e.
lah sudeh maken,,
mandi segale..lah ganteng.
yak dul langsong nganti atok muha.
pas lah sampai,atok muha yak dul tinggal di tempat tu.
karena nak begawe.
lah tenang piker pacak mantu orang.
tapi pas pulang begawe yak dul tengok ade atok muha di umah.
entah minta kanti kemana pulik.

yak dul :ade ape tok?..
atok muha :"ki ne dul ok...meluntang ko"
yak dul:"meluntang kayak mana tok...."
atok muha :"gara2 ki ko diketabe orang...ngape nya ki salah tempat nganter atok"
yak dul :"salah cemana to"
atok muha :"ki dak mace...di sia tulis e dokter gigi....tapi bukan gigi motor.gigi manusia dullllll"
yak dul :"pekak ge tojk..ku kira dokter gigi ya..pacak gale.bukan cuma gigi manusia bae,tapi gigi motor ge pacak'"
atok muha :''dullll...dulll.emang teliwat ki ne ok.....yo pon buat kupi kek atok ne"...
cemya cerita seperadik...wkkwkwkwkwk


salam dul keripot

Pesan Amang Penasehat "nek bikin pundok Kampong Bangka"

Nek Bikin Pundok Kampong Bangka di Jl.Nyiur (sebelum jalan kampak)arah tuatunu. Ade tulis "pemulung dilarang Masuk " di bateng palem,teros bae..kelak ikak ketempoh kek pundok warna biru.

Anak anakko yang amang sayang kek amang cinta..amang ne ade kekenek e kek ikak .Nek ngumpol kek ikak di kampong bangka ne . .tu ge men ikak nek..men dek pon jangen maksa igek.... .ade hal yang nek amang umong kek ikak sgale e.............
lantai pundok amang la lapuk kayu e .....dinding e separoh la kecungkel ketiup angin minggu luk... men ikak ade waktu kelak,kite gutong ruyong la... nek nandan pundok ya.... .ateplah la tekerebai, sege la lama dek dikerinah.Tiras e la ruboh..pukok e la teberacai lah..... .men diantara anak anak amang di kampong Bangka ni sedie diajek amang nek ngesat kayu ukur e 8 x 8 tuk tiang, gelegar tengah e ,tiang tiras ,gelegar tiras e paling dek 15 bateng .Tuk kayu atas e amang nek ngesat kayu 4 x 6 paling dek 20 bateng. Atep rembiak nek lah men 30 keping. Men ade nek ngesat kulit kayu puk dinding e...... men dek de buluh dipiyak ge bik..... ade hal e buluh di kelekak amang nu..... tu ge men ikak sedie nulong amang .... imang Dul Keripot kek kawan e nek nulong..tapi men ikak ge nulong.. asa e cepet pundok ya bediri ..... men la udeh,pacaklah kite ngumpol pek pundok ya.... bekelakar... . ngerubus ubi, ngelempah daret, muet rencana ke adep nu... ape yang kek kite buet di Bangka ne..... banyek yang nyangkot di kepala amang ne....amang nek agik nunton pencak silat..... nek la nari campak..... bedambus.... bepanton..... besyair.... nek la nyireh cem luk e... tapi bateng e ge la dekde agik... nek la nanem sang bareng 10 rempon,nek ge ngelempah tepuyu , maken bijur kek kemilik...... . lungoi men nangop ubi teros....ganyong lah amang tanem..suat agik la pacak direbus......amang nek belajar nganyem ketupat,la setua ni amang dek pacak ,nganyem tiker,muet senggong.....amang nek la makai sungkok resam kek bajuk teluk belango,kain pelikat e lah ade....weu banyek umun kekenek amang ne....pacak dek ok tekabol.......amang serah kek ikak lah....bantu lah ayak Dul Keripot,Yak ZiQri Al-Fahd,Yak Ardan Aza,sape tau dikabol kek Allah......lah ok,maif la nyusah ikak ......jelatlah men ade waktu ke pundok amang.Amang tunggu ................

yang lom tau tempet amang ngerem catet ok..Jl.Nyiur (sebelum jalan kampak)arah tuatunu.Ade tulis "pemulung dilarang Masuk " di bateng palem,teros bae..kelak ikak ketempoh kek pundok warna biru..tu lah tempet amang ngerem.....


salam
Penasihat "Kampong Bangka "
Andi As

GARA-GARA SMS

""gara-gara sms"
27 maret 2015

cerita dul keripot pagi ne...
"gara-gara sms penipuan"
semalem yak dul kedatangan tamu yak andi as.seperadik gale kenalkan.ya urang tua gile ulah..icak2 nak kek marni seperadik maryanot.
tapi cinta e ditolak.gara2 yak andi as ne monceng marni naek sepeda.
jatuh dalem got adep masjid.
rupe e semalem yak andi ne curhat kek yak dul keripot.
bini e marah gara2 ade sms dari nomor dak dikenal.

yak dul :"ngape yak..muka ancok ne..nak uman tapai dilindes trunton"

yak andi :"aok dul..urang umah ngeruce..gara2 ad sms dak karuan"

yak dul:"sms kayak mana yak".

yak andi :"ne boh....ki bace sendiriklah"

       langsong yak dul bace...""papa,kirim mama pulsa.mama lgi dikantor polisi".
haa haaaa...yak dul ngakak ketabe.gara2 sms ya rupe e.

yak andi :"ki ne dul ok..ukannya miker,,malah ketabe..ko ne kedingin mlm ne.mane hujan pulik.ko tduk dirumah ki bae ok"

yak dul :"tenang yak,ko pacak ngejelas kek ayuk..minjam hp e ko nelpon ayuk."

     yak dul langsong nelpon bini yak andi as..bagus pulik nada dering bini yak andi.bunyi kereta api.dak lama langsong di angkat.

bini yak andi :"ngape pulik ki nelpon ne...gi lah mereh mama2 yg sms tu.kek ko ki panggil nama.kek selingkuh pakai mama2"

yak dul :
:"maaf yuk ne dul keripot..sms ya..sms penipuan yuk.yak andi ya setia urang e.dak suah macem2.ko ne tau.kemana2 ko sering ngikot yak andi.kemaren ge yak andi minta kanti mereh jando kampong sebelah.ko gi nganti e....(astagfirulaahhh keceplosan)...

  seperadik cemtu kisah e,
,kira2 apa yg terjadi kek yak andi selanjut e.setelah yak dul keceplosan tadi ok...???

salam dul keripot

"""TERUMPAK"

TERUMPAK
oleh yak dul keripot
21 febuari 2015

"Yak dul punya cerita"
Edisi Terumpak batang binjai (kesurupan jin)..
Ade istilah terumpak (kesurupan) jin.biase e karena kite sembarangan melakukan hal2 yg dilarang.
Menurut mitos.misal e dak jadi kemeh sembarangan.
Ape agik ngemeh batang tua.
Yak dul punya cerita ne..
Dikampong yak dul..
Ade budak kecit terumpak.
Gawe e ngeruce..dak karuan jatak.
Segale dukun lh nyube ngubat e.tapi dak asi keluar jin e.
Kata e budak tu..ade ngemeh btang binjai tua di ujong kampong.
Keluarga e lah susah gale.
Dukun ge lah kewalahan.
Dari mulai mandi aek..sampai sembur aek.
Untong orang2 teringat kek yak dul keripot ne.
Orang tau yak dul ne..ahli masalah ya.
Bak budak ya nama e mang tuha.
Mang tuha tegupuh2 gi kumah yak dul.loem sampai tangga aben.mang tuha lah ngaroh.

Mang tuha :' dullll,,tolong anak ko.anak ko terumpak jin."..

Yak dul ne langsong tekejut.hampir tumpah kupi yak dul.

Yak dul :"oi mang...aok ape kan mang.tapi ko mana pacak ngubat e....."..

Mang tuha :" yo lah dul..kata org ki pacak gale".
..
Yak dul :"adohh mang,cemana mang..o cem ne pun..kita ke pengkal bae.ko baru ingat ade tempat ngubat e"..
Mang tuha :"yo pun dul...kita nyater mubil wiw wiw ya (ambulance maksod e)."..


       Dak lama yak dul lah siap.yak dul kek mng talaha..teros anak e.langsong kepengkal.
Dalam mubil wiw wiw tadi.ank mang tuha ngamok2..
Sekitar 30 menit sampai ketempat e.
Aneh bin ajaib..loem masok aben.anak mang tuha lah sadar.
Dalam hati alangkah hebat e.
Dukun pengkal ne.
Loem di obat abenlah sembuh luh.
Lama yak dul bepiker.
Langsong ingin mang tuha.
Ujong2 e yak dul baru tekeliat..ade tulisan di adep umah orang tadi....kurang lebih cemni tulisan e.
"Menerima vermak segala jenis JIN dan levis."..
Pantesan jin e takot..rupe e takot divermak....cem ya cerita seperadik...

salam yak dul keripot

"tekentot"

cerita yak dul keripot
"tekentot"
24 maret 2015

cerita yak dul sore ne...

teringat kek minggu kemaren e.waktu maken2 di umah yak andi as.
segale pemaken ade gale.
sampai malm2 yak dul dak setiduk miker e..
miker banyek nyamok dikamar yak dul he he.
yak dul nak ngebalas kebaikan yak andi as ne.
kalok yak dul di hidang kek pemaken nyamen.
yak andi ge harus maken nyamen hari ne.
akher e yak dul nyuroh maryanot ngemasak.
maklom mak yak dul agik keluar kota.alias tiduk dipondok kebun.
biaselah ariasan.kwkkw
sore2 yak dul lah ngundang yak andi..dak lupa ge ngundang pak ngah..dan yak ziqry as tuk maken same2.
yak dul madeh kite bakal maken laok rusak.
malem e loem ade abenlah magrib..yak andi lah nungol luk kali.
maklom kata e lah lama dak maken daging rusak.
selang berape menit muncul yak ziqry kek pak ngah..sama2 dari sungailiat.
pas magrib kami bejamaah..yak dul jadi imam.
tapi pas sujud rakaat pertama yak dul tekentot.dak bebunyi.
langsong yak dul ngambik wudhu.
pas yak dul balik...rupe e dorang betiga agik sujudlah...
langsong yak dul tegur..

''oi,,ngape ikak agik sujud nak tadi lah....ku kira ikak neros sholat e..ko tekentot tadi'...

yak andi langsong berangkat...

''selebeb dul...kami betiga betunggu aba2 dri ki...lah leteh kepala ko nyium sajadah ne..rupe imam ge dak di agiklah'/"..kata yak andi..

yak ziqry :"panteslah...lame benar sujud e..ko kira yak dul..khusuk mace ayat e"

ujong2 e kami ngakak betiga...tapi dak lupa sholat bejamaah agik.
ya cerita seperadik.

salam yak dul keripot.

yak andi "kue celepon dikira dareh"

"kue celepon dikera dareh"
oleh yak andi as
2015


Ukan Darah..celepon pecah
Malem ya ade acara nganggong di surau kami.Pas malem tu malem Maulud.Lah jadi peradat kami di kampong men ade Maulud harus nganggong.Mawek pemaken .Uges dulang kek tudung saji.Acara udeh sembayang Isa.Jadi dek nganggu sembayang jemaah di surau ya.
Ingen e kami men ade acara nganggong.Kawan kawan la ngumpol pek adep surau.Kami dek ikot sembayang.Dek kawa nganggu urang.Sual e men ikot sembayang kami begagit teros.Cuit gamit keni kenu...kadeng ketabe....
Udeh sembayang Isa.urang nyuson dulang yang berisik bemacem pemaken.Baris adep pastilah ketue surau kek penguros.Baris seteros e jemaah.Terakhir baru budak budak.Tu ge ade yang jage e.Malem ya kami dijage Mang Buyong kek Mang Rebaen.Tekenal garang e amang due ya...takot kami .Dak kawa belampu kening ne.....
Mulailah ketue surau mimpin tahlil...ramai bunyi e..cem kumbang di bateng karet .Entah ape penyebab e..lampu pek surau mati.Gelep bener...tapi tahlil jalan teros.Dalem gelap ku tingok ade yang nyingkap dulang.Udeh tu ditarok pek sungkok e.......Nyer..lampo nyale...........
Hiran ku kek Sumin .Ade dareh ngalir di kening mang buyong.
Sumin : "Jok..kening Mang Buyong bedareh.Ka tengong ge.."
Kate ko :'Ukan jok....laen warna e...mirah agak item"
'hemmm.....jangen inger..urang agik Tahlil ,"segak mang buyung.Kami diem.Tapi malerlah Sumin ngumong.
Sumin :'Dareh jok...."
Ku jawab dalem gaya tahlil..'Ukan darah..celepon pecah....ukan darah celepon pecah "
Mang Buyong uman e ingah ape yang ku ngumong.Nya ngeraba kenig e....Ya ampon,imang celepon pecah.Rupee..pas mati lampo tadi mang Buyong ,ngebunyik celepon pek sungkok e....nyangkak e bueh...dek tau e celepon......lebeb.pecah ulik celepon e....malu e mang Buyong kek kami bedue..."Awas men ikak madeh kek ketue surau..kubimbet bilong ikak....
Akhir e malam nganggong ya..kami yang paling banyek dapet pemaken.Mang Buyong yang merik e.Kami tarok di kain sarong.Ukan maen seneng e.....sejalen jalen kami ketabe...'ukan darah..celepon pecah...ukan darah celepon pecah...."hehehe.....
Sebile agik ok nganggong ne....ku nek mawek sumpit puron mak ko tuk uges pemaken......Hehe jangen ikak turot ok pegawe kami..cukoplah kami,ikak jangen...malu.....sampai belau ninggal...Mang Buyong baik kek ko.Maklom ade rahasia....

salam ANDI AS

Dul Keripot Diangkat jadi Ketue Kampong

Malem ya dak lina tiduk yak Dul Keripot.Keriat keriut bunyi amben e.Tande e dUL dek lina tiduk e...ape pasal e ok?Lama ge ari ne pagi e.Dek tahan agik nek nerimak penghargaan dari Yak Andi AS .Yak Andi AS dikenal urang kampong ya jadi gegading alias penasihat kampong.Kate urang amang ya baik.Bijaksana.Tapi kadeng adelah bijaksini e..hehe.Ape ok yang kek diberik kek Dul?



Pagi kelem Dul lah mandik.Pakai bajuk kebesaran e.Teluk belango yang la kantet ketiak e.Tapi la dijait kek mak e.Sungkok resam lah ngerunyot bentuk e.Kain sarung pelikat cap gajeh tiduk.Kasut jepang laen sebeleh.Singket cerite Dul dateng ke umah gegading Andi AS.Lom sapa lah di nu.Tapi tiker la diamper.



(Dul.)..Assalamualaikom....



(Gegading.)..Alaikomsalam..masok...Oh Ki Dul..kelem la keni..dek sabar agik nek dapet penghargaan....tunggu lok ayak nek besalen.



(Dul.)...teneng bae yak.Santai..kate budak kinik e.(dalem ati Dul ngeruce...kupi..mane kupi e)



Dek lama aben imang keluar kupi kek ruti sumbu.Agik anget.Lom udeh aben bini gegading ngidang kupi kek ubi ya..Dul langsong nyangkem ubi ya...



(Dul)..Adoi....anget upe e pemaken nih....melepoh tangan ko)



Bini gegading ketabe..imang gile ulah budak ne.......



Mulailah banyek urang dateng.Dudok pek tikerpurun.Ade mang telaha,Mang Juhai,Bik Remunot,banyek agik laen e.



Yak Andi keluer dari pangkeng e.Mawek kutak besak.dIbungkus kek kertas minyakGep gep ser ati Dul Keripot.



"Amang anamg segalen e....ari ni ku sengajek ngundang ke umah ko ne.Ari ne ku nek merik tau kek ikak semue..men Dul Keripot lah kepileh jadi ketue kampong.Mari luk ko dari Pengkal.Ke kantor camat.Belau nitip ne kek ko.Kata e tuk Dul Keripot.Keni pok ya Dul.."



Ingen Dul luar biase.Ape agik ade Mang Talaha di nu..calon mentue..(Tu ge men jadi)Diterimak lah kek Dul hadiah ya.Urang betepok tangen semue kecuali Mang Telaha.Dek nyangkak aben men Mang Telaha ngumong kuat....."Dul..ko keni ukan nek merik selamet kek ka.Ko nek ngambik kasot ko yang ki pakai semalem.Mane kasot ko?"



Ukan maen malu e Dul Keripot.Imang malem di Dul salah makai kasot pas pulang dari urang sedekeh..............mirah padem muke Dul.Cepet cepet Dul pulang....malu nya diriikkkkk..Dul..Dul....sebileh sembuh e dari gile ulah ne...

Salam
Andi As

Dul Keripot



24 jam



Ase puas hari ne..walw yg dateng dikit.dak sesuai kek pemaken e.pemaken banyek..yg hadir dikit.



Makaseh yak andi ok..



Tapi ko kecewa kek yak andi as ne...die meluntang ko..



Kata e di umah e...ade tv kabel.



Yak dul penasaran..sekali yak dul dateng,dakde abenlah tv kabel e.tv biase bae ade e.



Lah panes ati ne..untong disugok kek jemput temedak..kek kue celepon.



Yak dul :"mane tv kabel e"..



Yak andi as :"ya boh dul..ki tonton ya"..

Dul Keripot



14 jam



Berikut ini pesan2 dari yak andi as..atas pertemuan kemaren.



Andi As



Semangat Kebersamaan Itu Masih Ada.......



Minggu,22 Mar 2015.di kediaman saya berkumpul beberapa anak muda yang tergabung dalam Kampong Bangka...sebuah komunitas Dumay yang selalu berbagi info ttg Bangka dan kehidupan yang berlangsung didalamnya.Mereka selalu berkomunikasi.Mereka ingin bukan cuma di Dumay...tapi mereka ingin di kehidupan nyata untuk mengangkat kembali Bangka dan Budayanya.mereka butuh support,mereka butuh bimbingan dari kami yang lebih tua untuk tambahan informasi,nasehat dan lain lain.Saya dan keluarga tdk keberatan sedikitpun untuk menerima kehadiran mereka.Butuh sekretariat sementara,biarlah di rumah saya.Banyak yang akan di perbuat di komunitas ini.Hadir enam orang dg visi yang sama.Meski mereka agak kecewa krn tdk banyak yg hadir..tapi bagi saya itu sudah sangat baik.Untuk memulai yang besar dimulai dari yang kecil.Untuk memperoleh yang banyak dimulai dg yang sedikit.Apa lah artinya berduyun2 yang datang hanya untuk jadi pendengar saja...yang akhirnya bermuara pada melemahnya komunitas.Yang mengharukan bagi saya yang dituakan mereka,dua yang hadir wanita dari Jebus,yang bukan asli orang Bangka.Mereka dari Malang dan Bengkulu.Mereka fasih berbahasa Bangka.Ini yang membuat saya haru.Mereka ingin mengetahui banyak tentang Bangka.Dan kami akan mengajak mereka,menerima mereka sebagai saudara kami sendiri......mereka mengabdi untuk masyarakat Bangka..bukan hanya slogan.........mereka bangga diterima di komunitas ini......Alhamdulillah,kebersamaan itu ternyata masih ada .Bangka masih bersatu.Ini yang dibutuhkan saat ini.Harapan saya komunitas sederhana ini harus berkembang nantinya.Dengan kekuatan yang ada...satukan langkah untuk membuktikan sebagai bangsa yang mandiri.Yang mau bergabung.dengan ikhlas silahkan.....yang mau membantu dg ikhlas silahkan........"keihklasan itu lahir dari orang orang yang berhati mulia "........Selamat Datang di Kampong Bangka.Kesederhanaan adalah modal kemandirian.Salam Cinta Nusantara

Ardan Aza



23 jam · Disunting



Assalamualaikum..



Dari hasil pertemuan jumpa fans Dul Keripot, alhamdulillah kini e Kampong Bangka telah mempunyai pundok sekretariat atau basecamp untuk tempat berkumpul diantara kite sesame warga kampong bangka. Nanti akan dipaparkan laporan lengkap oleh yak Dul Keripott kek yak ZiQri Al-Fahd. Insyaallah dalam pertemuan berikutnya akan diadakan lagi..



Wassalamualaikum..



Ardan Aza



23 jam



Susunan kepengurusan admin Kampong Bangka



LURAH



Safrudin Capoey



STAFF RT



Ardan Aza



Arif Sang Penyair



Hannz Malighenohi



David Woo



ZiQri Al-Fahd



KETUA ADAT KAMPONG BANGKA



Dul Keripot



PENASEHAT ADAT KAMPONG BANGKA



Andi As

Dul Keripot
21 Maret pukul 10:14
Sepi ge ok hari ne.
Ape karena suasana nyepi ne.
Yak dul nak bercerita masa2 agik sekulah duluk.
Hari yak dul dihukom bu jurai.
Gara2 lambet dateng.maklom malem e yak dul begadang.
Dak pacak tduk.gara2 miker..maryanot dudok e dipindah bu jurai.sebangku kek bujoi.
Stres yak dul miker e..
Yak dul disuroh bu jurai ngambik aek ke dalam ember kecit.ember tuk nyuci tangen bekas kapor.
aek lah di ambik.yak dul disuruh berdiri sambil megang ember kecit ade aek e.

Bu jurai :"anak2..skrng ibu nak nanya..jawab sama2 ok...kecuali dul keripot ne..biarlah dul berdiri sampai istirahat".

"Iyaaa bukkkk""jawab2 kwn serentak.yang yak dul ngelamun sambil berdiri.

Bu jurai :"ade 2 orang kembar..nama e siramli dan siramlah..kalau siramli meninggal dunia..maka dirumah tinggal siapa?"..

"Siramlah bu guru "...jawb kawan2..

Buuurrrrrrrrrrrrrr...yak dul tekejut..langsong nyiram bu jurai.baseh baju bu jurai.langsong merah muka e..

Bu jurai :"dullll..apa2 ki ne...berani ki nyiram ko ok...besok suroh bak ki kesekolah".

Yak dul bingung :"maaf bu...sage kata kawan2..siramlah bu guru..ok ko siram be"..

    Kawan2 ngakak ketabe.yg bu jurai merah padem muka e.ujong2 e yak dul disuroh pulang.ukan dak ingin yak dul.pas dirumah yak dul cerita kek bak kek atok..ngakak dorang ketabe...



Cemya cerita e seperadik

hamster disangka tikos kena pilok

hamster disangka tikos
21 Maret pukul 8:41

Pagi menjelang tengah ari seperadik...
Lah ngupi kan...
Bru buat nyapa ne...sage sibuk ngerekap nama2 seperadik yg nak kumpol2 minggu ne.
Yak dul ge pagi2 lah kedatangan tamu.kawan lama yg dak suah setempoh.
Die ngjak ke pasar nak meli ayam kampong.
Tapi yak dul keruce..lah tau dikota..mana ade jual ayem kampong.yang ade ayem kota.
Kami bedue pegi ke pasar punggong hotel menumbing.
Ukan dak rame..banyek pulik mentinak2 zaman skrng.pakai e seksi2.sampai2 mata kami bedue dak bekedip agiklah.dak sadar hampir nginjak lapak pejual orang.loem sampai ke penjual ayem.kawan yak dul ne..ngeruce2 kek orang pejual.
Yak dul lah laen asa e...
Yak dul langsong betanyak apa perihal e..

Yak dul :"ngapa bat..ki ngeruce2 ne"..

Kawan yak dul :"ne dul..nya ne..bejual dak karuan jatak"..

Yak dul :"apa emang dijual e"..

Kawan yak dul :"ne boh..nya jual tikos..jurok benar"..

Yak dul langsong nengok.astagfirullah..rupe e emang benar.yak dul ge langsong ngeruce.

Yak dul :"ki ne ok..bejual kek tikos ne...kurang gawe ok..tepeleng kepala ki ade lak e"..

Penjuallah ketakot.ape agik nengok muka kawan serem ya.nak uman mawang.he he.daklama ade polisi liwat.langsong nanya.."Ngape ikak ribut2 ne,jangen nganggu orang bejual""kata polisi tadi.

Yak dul :"ukan pak..nya ne bejual kek tikos..kurang gawe"..

Ha haaa..urang rupe e lah rame ngeliling kami.separo ngakak ketabe.yang yak dul kek kawan agik esmosi lah.sambil ketabe polisi tadi ngelerai kami.

Polisi ;"ohhh...ayak bedue...ne nama e hamster..kek marmut..ukan tikos kayk di got2 ya...amang ne lah salh sangka"..

Yak dul :"pekak ge...ko kira tikos.panteslah warna e bagus2.ku kira tikos..di pilok warna warni...maaf pon seperadik ok"..

Langsong yak dul kek kawan minta maaf.langsong pulang udeh e.ayem dak jdi beli..malu dapet.

Ya cerita e seperadik.kira2 ikak tau dak..siape kawan yak dul ya..
A.yak andi as...B.yak ardan aza...c..yak ziqri..kirimkan jawaban anda.dan dapatkan hadiah menarik..berupa cincin emas.dan kirimkan potongan jari anda untuk mengukur pas daknya cincin tsebut di jari anda..makaseh..dul keripot..siganteng dri kampong sebelah.

salam dul keripot

Maryanot ooohhh... Maryanot

Kan ku ukir namamu..



Di batang karet



Batang cempedak.



Batang tampoi.



Batang binjai



Bateng rembiyak.



Dan di tiang2 listrik...



Ohh...maryanot...

rumah besalen

Dul Keripot
20 Maret pukul 8:15 · Disunting


Pagi seperadik gale.
Yak dul bru bangu,ne nak ngupi duluk.walau tai mata agik ade.wkk..
Yak dul nak becerita luk..biaselah kisah yak dul yg gile ulah kata yak andi as..
Ne cerita berape taon duluk..
Dikampong yak dul tengah ade pembangunan tempat umum kayak e.
Siape ge jdi dateng.urang bangun e di ujong kampong.dak jauh dri aek mandi kampong.
Aek yg biase yak dul kek maryanot maen usek2.asak agik kecit dulu.
Selang berape bulan lah selesai.
Pas lah sudah resmi ingin yak dul.sudah mandi..bebidang kaen..yak dul gi tempat yg dibangun pemerintah tadi.
Pas di adep bangunan baru ya..yak dul dengar ade suara org bini kesaket.selebeb nak ganti baju ge sampai karoh kerik cem ya.kek dak jadi yak dul ganti baju.
Lama yak dul nunggu diluar.ujong2 e ade cewek cikar makai baju putih.ukan dak cikar,kalah marayanot.
Dengan senyum die nyapa yak dul.

Cewek :"siang pak..ade ape..kok makai kaen basah2 kesini?"...

Yak dul :"anu bu...ko nak"..

Dak sudah yak dul ngumong.karena terpesona.

Cewek :"anu apa pak..bisa dibantu".

Yak dul :"ne tempat bersalin ok"

Cewek :"iya pak..siapa yg nak bersalin".

Yak dul :"ko lah bu..(Cewek e langsong bengong)....lah dri tdi ko nunggu e.lah kedingin badan ne.makai kaen baseh ne.yo dimane kamar besalin ganti baju ne"..

Cewek e lah ketakot.dipiker e yak dul ne gile kalok e.tapi dak lama die ketabe.

Cewek :"maaf pak..ne memang tempat bersalin.tapi ukan nak bersalin baju.tapi maksod e..tempat bersalin ya..tempat org melahirkan..atau beranak bahase kampong ".

Yak dul lah mulai ketilon.mane die ketabe pulik.

Yak dul :"pekak ge..ku kira tempat bersalin bajuk..sage di adep ya ade tulisan Rumah bersalin.mane dekat aek pemandik pulik.maaf pon...".

Yak dul langsong nyodor tangen.minta maaf.ukan dak halos tangen e.

Ya cerita e seperadik..jangen cube2 ok.ikak salah sangka..kayak yak dul ne.mati ikak dikejar cewek makai baju putih ya.maklomlah yak dul ne..dak tau kisah mula.rumah bersalin ya..rupe e tempat org ngelahir.yak dul kira..tempat nyalen baju..pas sudeh mandi.ancokkk gawe ne..

salam dul keripot

Andi As



20 Maret pukul 14:25



Harga e 'gosak"



Men inget Dul.ko inget kek Sumin .Kawan pramuka luk yg diem di kampong seberang.Sama lah gile ulah e kek Dul.Ade ade bai tingkah e...pacak muet urang ketabe.Inget kan kek kisah nasik doang luk?Ni ade ulik kisah Sumin.Men luk e di Jakarta.Tapi ni kisah e waktu di Bandung.Biase men udeh musim sahang gi jelat.Kami imang gati gi jelat.



Waktu ya kire kire kitar jam 8 pagi.Dingin umun Bandung.Gelugut baden asa e.Untong kami pakai jiket.Kurang men dingin e....Rencana e kami nek ke Cihempelas..nek meli levis.Kabar e murah di nu.Bagus ulik mudel e....



Pas di adep pasar Cihempelas ade bik bejual tapai.....Sumin langsung nanyak kek bik ya.."Jual apa ,Buk? tanya Sumin."tape mas,'jawab sang ibu.Yang satu lagi apa Bu?tanya Sumin agik."Samik mas' jawab sang ibu.Saya beli tapainya satu,samiknya satu juga ,Bu!' kata Sumin.Ketabe sang ibu .Budu ge..urang ne..piker e lem ati..Sumin ge ujong2 ketabe pas ku cerita samik itu bahasanya Indonesia "sama".Jadi due tempet yang ditunjuk Sumin di isik e tapai. gale Ahey loyy.............



Abis maken tapai kami bedue naek ke lantai due.Ati ati nian kami naek tanggek bejalen.Maklom di Pengkal suat ya lom ade.Sampai lah akhir kami di lantai due Cihempelas.Banyak sepan levis.Bagus bagus nian.Kami lah mulai bepileh kek bareng ya...mulailah tawar menawar..



Sumin 'yang ini harganya berapa ya ,Mbak?"(weu hebat bahasa e..)



Mbak 'gopek ,mas ....(bingung Sumin....gopek berape ok?)



Sumin "boleh tawar,Mbak?



Mbak 'berapa?



Sumin"Gosak aja deh"



Si embak bingung.Bahasa mana ini?



Mbak "gosak itu berapa mas?"



Sumin'gopek itu berapa mbak ?"



Mbak'gopek itu lima ratus ribu mas.."



Sumin"Nah ..gosak itu tiga ratus ribu.Jadi saya tawar harganya tiga ratus ribu..hehe..bisa kan mbak?"



Mbak..'Maaf ,mas,belum bisa.Mas dari Jakarta mana/Jakarta tenggara Mbak ('Asal nguap Sumin.Mbak bingung.)



Sepan lepis dek jadi dibeli.Maklom duit darimane mahal cem tu...icak icak bae nawar...tinggel lah mbak yang asli Jakarta tu bingung diulah kek Sumin......sampai kinik e ku agik inget kisah ni...Sumin..Sumin....Gosak ok harga lepis tu..hahaha....cepetlah Min ke kampong Bangka ni..kite bekisah bulak bukan....pasti dek lungoi cek...hehehe

''akal nak bolos..ngakal guru"

""""dul keripot ngakal guru"
         12 maret 2015

Cerita yak dul...
Ne cerita pas yak dul agik smp.
Guru ngajar dari luar kampong yak dul gale.
Jadi untong yak dul.dorang dak tau tingkah pulah yak dul.
Anak paling pendiem sekampong.wkwkk...
Yak dul ne..paling sering bolos.
Beribu alasan asak nak bolos.
Tapi yak dul bolos resmi.dapt izin dri guru.
Biase e yak dul jarang masok hari jumat..karena ade film india.
Sampai2 tak dul dipanggil saket hari jumat kek kawan2.
Tpi walau yak dul sering bolos dn jareng masok.
Yak dul ne pinter disekulah.peringkat 5 dri 35 siswa..tapi ngitong e dari 35,34,33,32,31.....he he.
Pernah yak dul bikin heboh guru2 disekolah.
Waktu ya musem buah keradudok.
Yak dul ne ketakot duluk di putek orng.
Dri jam istirahat yak dul nua bepiker...ujong2 e dapat ide.
Dengan gaya lemes yak dul ke kantor....

Yak dul :"bu,ko nak pulang..minta izin"..

Bu guru :"ape pulik dul..ki nak nonton puser india ok"..

Yak dul :"ukan bu..atok. Ko lah ninggal?"...

Bu guru :ape dul...be dul..turot beduka cita ok...gi lah pon ki pulang..kelak kami kerumah..pulang cepat bae semua e hari ne"...

Yak dul :"aoklah bu..makaseh."..

       Yak dul langsong pulang..tas yak dul tinggal biar besok dak usah bawak agik..he he...
Lah sampai rumah yak dul maken..langsong gi kutan..nak mutek buah keradudok..dk lupa madeh kek pesan kek mak..lw guru2 nak maen kerumah.
Lah sudeh mutek..yak dul pulang kumah.
Yak dul tekejut dirumah ukan dak rame.yak dul diem2 masok umah.

Pas di dapuk mak yak dul manggil.
"Dul..ke sine ki luk""

Yak dul :" ape mak..."..
Mak yak dul :"ki ne ok buat ulah..ki jelas ki kek guru2 ki ne"..

Bu guru :"dul2..lagi kamu ini buat ulah..katanya atok ki lah meninggal"...

Yak dul icak2 berani.padahal ketakot.

Yak dul :"ko kan lah madeh..atok ko lah ninggal"....

Bu guru :"tapi mane"..

Yak dul :"..kan lah lama ninggal e..maka e ko madeh atok ko lah ninggal..ibu ge dak nanya..kapan ninggal e.."..jadi ko dak bebulak kan"...

Bu gur :"???????????"....

Bak yak dul :"ha haaa...benar be kata anak ko ya...atok e lah ninggal..tapi lah lama ninggal e..wkwkkwk....."...

Mak yak dul :"ki ne rusep ok..ukan nak marah..ki mela anak ki"...

      Karena malu..guru2 yak dul pulang.pasti besok dorang ngukom yak dul gale..suroh nyuci wc.yak dul paling ingin disuroh nyuci wc.kelak baju yak dul.sengaja yak dul siram pakai aek.biar disuroh pulang...wkkwkwkwkwkwkwk....

salam dul keripot

Andi As



20 Maret pukul 10:23



Dul Keripot dituduh Bebulek



Mari luk ko cigak umun pas liwat pek adep pundok Dul Keripot.Banyek urang ngumpol.Ade Mang Talaha.Mang Juhai,Mang Tuha,banyek agik e..ko dek tau nama e.Gepgep ser ko..ade ape ok kek Dul?Ape penyakir mati mantak e kumat agik....gawat ne piker ko.Kutarok kerito untelku pek bateng rambut diadep umah Dul.Ku gabong kek urang banyek di nu.Kutanyak.."Ade ape kek Dul ok?tanyak ku."Dul disidang...diagu urang...Dul Bebulek...men dek cayak tingoklah sendirik di dalem nu......



Gi lah ko ne ke dalem pundok.Ku tingok mimang ade sidang..(Cem DPR bae...hikhik).Ade mentinak tengah ngumong....



Mentinak "Ku tadi minta tulong Dul muto copy warna di pasar pagi.Kuberik die duit.Ade ulik upah leteh e."



Mang Juhai "Ade dek bareng e?"



Mentinak..'nih mang..ku mintak berwarna..yang diberik warna e item puteh.Keciwe ko.Dek ikhlas ko."



Mang Juhai "Cem mane nih Dul?Biase e ki dek suah cem ni.:



Dul ngeringai ketabe e.Dek de aben takot e....teneng bae die ngumong



Dul.."Mang...cube ikak tingok same same.Ape warna huruf ni?Ape warna gambar ni..?



Semue urang ngejawab :item kek puteh!" kuat die urang ngumong e.



Dul "Item kek puteh tuh warna ape kan?"



Jawab pulik semue urang.."warnaa,,,,sek.sapa ge tau."



Dul "Neh..ade warna e kan?Warna e item kek puteh.Jadi ko dek bebulek kek mentinak ni.......



Mentinak "Tapi ku nek banyek warna e.."



Dul "men ya nama e..foto kupi warna warni....madeh sek men cem ya....



Ketabe urang nenger jawab Dul.Bener sek kate Dul.Die dek bebulek imang.Malu akhir e mentinak ya.Dul bebas.Imang pinter budak ya......jadi men nek nitip kek Dul..jelas jelas ngumong e....Ahey looyyy.

Keripot



20 Maret pukul 8:33



Makin hari.kampong bangka ne..makin ramai..makin banyek yg muat pondok.kira2 ape hal e ok?...tapi law nurot yak dul karena kampong kita ne ramah2 urang e.aman pulik.buat warga baru..salam kenal dari yak dul keripot selaku ketua adat dikampong bangka ne.siap2 kek ngadep tingkah yak dul ok.

Dul Keripot



19 Maret pukul 22:48



Malam gale seperadik.



Maaf bru muncul..



Soal e..malem ne.yak dul dipanggil kek pak kades atas aduan dri mang talaha.



Mang talaha muat surat peringatan atau somasi kek yak dul.jadi para warga kampong bangka disuroh bekumpol.



Yak dul didampingi pengacara yak Andi As..Yak ardan dan yak ziqry...



Berikut ne..surat somasi dri mang talaha..



Kepada dul keripot yg sok ganteng dan gile ulah.



Ki jangen agik buat ulah kek ko ne.ko lah languk.lah kesel.



Ne ko tulis kesalahan2 ki kek ko.ko padeh kek pak kades.



1.Ki nampar bisul ko.



2.Ki nyuruh yak andi maling kelapa muda ko.



3.Ki nukar kasot ko.



4.Ki metet buah rembiyak kena kepala ko.



5.Ki ngambik kaen sarong ko..tengah mandi.



6.Ki ngajak maryanot nonton band..dak asi madeh2.



7.Ki ngata ko..orang tua dak inga.



Ya kesalahan ki kek ko.makaseh.



Ya seperadik gale.tapi pak kades memutoskan yak dul dak besalah.karena dalam surat ya.ade saksi yg dak nandetangen e..yaitu maryanot.



Kire2...ape ok..sebab e..maryanot ngk nande tangen?....cobe ikak piker...

Dul Keripot



19 Maret pukul 11:06



Siang seperadik gale..lah siap2 nak maken loem.



Ne ko nak bekisah luk.



Mlm apa kemaren yak dul salah sangka kek yak andi as.



Yak dul kire die nak ngerebut maryanot dri yak dul.



Pahamlah kalok besaing kek yak andi as.yak dul ngaku kalah.



Yak andi as kebun ubi e luar.



Pasti mang talaha tegiur.



Sebagai minta maaf ko.ko ngajak amang andi as mutek kelapo muda.



"Yo yak.kita gi mutek kelapa muda di seberang nu".



Yak andi as :"yo sek dul...ko pacak naek e.".



Yak dul :aoklah pon"...



Dak lama gi kami bedue mutek kelapa muda.yak andi as,ukan dak hebat naek e.dalem lima detik lh sampai di atas.



lah 2 butir dibaweh e...



Yak dul :"yak...ku bawek duluk ok 2 ikok ne ,dak kawa dak tau mawak e kelak."...



Yak andi as :"aoklah dul..(Ngaroh dri atas..mana naek e pakai kain sarong pulik..keliat kulor e")..



Yak dul langsong pulang.dak lama berape menit.ade yak andi pulanglah.napas e dak terator.kayak orang ketakot.



Yak dul :"ngapa yak..kayak setempoh kek antu bae".



Yak andi as :"ki ne dul ok..ki meluntang ko.".



Yak dul :"meluntang ape yak".



Yak andi as:"ko hampir ditembak mang talaha.ko kira naek bateng kelapa punya ikak lah.rupe e kelapa mang talaha.teliwat ki ne dul..kek meluntang urang tua"..



Yak dul :"dokkk yak..ko kan milang mutek kelapa.ayak ge dak nanya kelapa siapa.ko selama ne lah berape kali nak naek e.tapi dak pacak2.pas pulik ayak maen kumah ha haaaaa".



Yak andi as :"ketabe ulik ukan di miker.mana kelapa ki bawek tadi.tebok lah.radang ko ne".



Yak dul :"sipp lah yak..jangan jera ok".



Ha haa..kami bedue ngakak.tapi pulang e terpaksa yak andi as dak bekasot.karena kasot e ketinggal dibateng kelapa lah.



Maaf yak andi as ok....ukan disengaja.tapi emng lah direncana.wkwkkwkwkwkw

Dul Keripot



19 Maret pukul 15:45 · Disunting



Sore seperadik gale.



Lah pulang begawe loem



Yang agik begwe tetap semangat.



Yak dul nak cerita luk.



Kisah yak dul agik SD duluk.



Hari ya kami belajar agama.



Kata bu guru surga itu ditelapak kaki mak.



Kalok nak masok surga nak hormat kek mak.



Karena surga dibaweh kaki mak.



Kami serius nengar ape kata guru.



Bu jurai :"siapa yg suah mantu mak e..mantu ape bae?".



Bujang lungoi :"mantu mak ngesat kayu api".



Maryanot :"mantu mak nyuci".



Bujang kedingol :"mantu mak masek".



Bu jurai :"bagus..law ki dul keripot".



Yak dul :"mantu mak nyiram bak.kalok bak lambet bangun".



Bu jurai :"ya ukan mantu nama e dul..ki tulah bak ki ade lak e"..



Teng teng2..lonceng lah dititer mang mukran.lonceng dri pilek mutor.



Tapi pagi sok e..lah belajar agama e.



Bu jurai :"cemane budak2 ikak nak masok surga dak.siapa yg nak masok surga bediri".



kami bediri gale.kecuali bujang kedingol.bu jurai heran ngape bujang kedingol dak bediri.



Bu jurai :"ngape ki dak bediri?".



Bujang kedingul :"kawa ko bu masok surga dak".



Bu jurai :"ape hal kedingol?",



Bujang kedingol :"kata ibu kemaren e.surga dibawah telapak kaki mak..tu lah ko ngk masok surga".



Bu jurai :"dokkk kedingol..ape hal e..pun?".



Bujang kedingol :"sekali ko tengok...kaki mak ko penoh kapang e (kutu aek).tu lah ko ngk masok surga bu.".



Bu jurai :"kedingollll kedingol.....ukan ya maksod e..kedingoll...wew ok ki ne..".



Kami ngakak ketabe..ha haaa...jadi cem ya cerita seperadik.

Dul Keripot



18 Maret pukul 20:32



Malam kamis dul keripot mencari cinta"...



Asyik mlm ne malam wakuncar.kata budak kinik e.



Malam ne dul keripot nak nyarilah.maklum nak nyari kanti kek ngerumpot dikebun.



Tapi ade sedikit trauma.karena malm kamis. ceritanya dul keripot salah urang.



Cemne cerita e..



Jam 8 mlm.dul keripot ne gi ngapel.kek cewek yg baru kenal lewat fb ne lah.waiii ukan dak cikar fhoto e..kayak luna maya.nama sukinah e.



Selebeb..dalam hati amang pikir pasti alim ne cewek.



Bla..blaaa...singkat cerita dul keripot disuroh maen kerumah e .alamat e di kampong kelukoi.



Jam 6..dul keripot lah bedandan.ukan dak ganteng.kalah rano karno.



Sesampai dirumah sukinah..



Dul keripot :"asllmualaikum...



Dari dalam rumah ;"waalaikumsalam..;..kelakluk ku muka pintu e"..



Daklama..muncullah cewek cantik alias cikar ..pas wajah e mirip kayak di fhoto fropil fb e...



"Masuklah kata e;"..



Senyum2 dul keripot ne..mana tangan e halus pulik pas nyalam..kayak kue ganus loem ditarok bawang gureng.



Duduklah..ko kedapuk luak suat"..kata e..



Daklama ade karoh e..."O makk.....ade tamu"""



Dari dapuk ade nyaot..""Aoklah tunggu luk..ku agik birek ne"..



Mati lah..kata dul..dak inga mak e.



15 menit muncul lah..



"Ohhh..ki dul keripot ok,lah lama ok datng e"..kata e..



"Baru lah wak,,wak ne mak sukinah ok..".kata dul keripot...



Senyum2 malu kucing.wak tadi..kayak ikan lohan diberik kek anak kiong.



"..ukan be...ku lah sukinah".



Selebeb..dalam hati amang bepikir..aok apakan ne..



Penasaran dul keripot betanya agik :"aok kan bik..yo jangan ingel2 ne...pacaklah wak ne begurau ok."..



:""ukan be,,ko lah sutinah e"..



Dul keripot :"aok apekan wak...tadi siapa pon..tapi kan yg difropil fb e..cewek tu tadi"...



Bik tadi jawb:"ha haaaa...ya cucu ko...maimunah..ko sengaja makai fhotonya.biar dapat jodoh:"...(Hee heee...wak tadi ketabe...keliat sungil e)..



Muji dul keripot :'"astagfirulllaahhh...nyesel ko kene tadi e..rupe wak yg di fb ko ya...aoklah pun..wak permisi luk ok..ko nak ketoko...(Padahal icak2 amang bae..tanpa basa basi lebih lama..dul keripot..langsong pulang..dak sadar ngincang kerito..saking ngebut e..hampir numbur mang din...)...



Ternyata yg selama ne..dul keripot facebookan kek nenek2 tua...sial2...malam kamis yg menyedihkan.).

Dul Keripot



19 Maret pukul 7:49



Pagi semue...



Jangan lupak ngupi...



Yak dul nak berbagi tips kesehatan.



"Perbanyaklah maken pisang.karena pisang bisa mencegah darah tinggi dan struk..



Ne lah sesuai dengan penelitian yak dul.



Ne fakta..karena belum ade seekor pun kera alias monyet yg kena darah tinggi dn struk.padahal makan utamanya pisang.



Sekian info e...



Perbanyak maken pisang.dn jangn lupa..kalau lagi maken pisang..tangan kiri garuk2 kepala..

Dul Keripot Cemburu Bute

Segile ulah e Dul.rupe e adelah budak ya serius e.Mungkin ikak sekaben ne dek pecayak.Tapi ni lah kebener e.....Ape hal e Dul Keripot ?


Ni Kisah e.....................


La due malem ne Dul dek nyamen ati.Dek nek maken...dek nek mandik.Ngerem bae di pangkeng.Bak e Dul Rusep agak ringem dibuet e.


"Dul..ngapa nya ki ya?Cem kucing nek beranak bae?Keni..bekisa kek bak ne.Keluarlah dari pangkeng ya.Ni ade kupi kek ubi" bujuk bak Dul."Deng la bak,,ngerinah ko ne...dek pacak aben urang nek seneng"jawab Dul."Seneng kate ka Dul?Dek salah ok?Amben kek rubuh ki kanjer.Macem ge urang mati mantak bae.Suat suat ngaroh.Terumpak ok?'Cepet ke ni." garang la mang Dul Rusep uman e.Keluarla Dul dari pangkeng.Nunduk die pek adep bak e.Cem budak gadis keraton bae gaya e.Ahey..mantak jang.............


"Cepet apa hal e ?Jangan nua igek nyusah bak ne" agak lunek ati Dul Rusep.'anu bak...malem luk e ku ke umah mang Talaha.Biase lah bak ngapel.Pas ku ateng..ade Yak Andi AS di nu....berumong kek Mang Talaha.Ade ulik Maryanot ngumpul di nu.Muet kupi ulik.Sakit ati ku bak.Dek nyangka aben men yak Andi cem tu kek ko.Kelak men ketempoh kupatah batang ler e...."gerem uman e Dul kek Yak Andi.Dek nyangka aben Mang Dul Rusep kek ketabe.Amper kucil gigi palsu e..." He he ..ya upe e hal ki Dul.ni bak kisah ok kek ki.Yak Andi tuh gi ke umah Mang Talaha ya nek mintak izin..ngajek Maryanot ikut kursus jait di kantor camat.Jadilah tuk mudal ikak kelak men la nganten.Ka lupak ok...men yak Andi tu la diangket ketue di kampong Bangka ne......wajar sek men belau tu maen ke umah mang Talaha...ukan nek ngerebut Maryanot.ki minta maaf nu kek yak Andi ki.....


Waktu ketempoh isok e...Dul malu malu kek Yak Andi.Hiran yak Andi ne....


"Dul....ngapa nya nundok teros ya?Cem burung jembang takot kek langit.Nek ngajek ke Manbo agik ok?Nek maken kepak kek kitok ayem agik ok...ulok yak Andi.Akhir e..Dul nyerita yang bener e...Ketabe yak Andi.Pahamlah ketue kampong....dinasehatlah Dul Keripot.....lah bantut Dul nenger e...ampai tekentut.......Tuttttttt..panjeng uman bunyi kerito api.Dul..Dul.....imang gile ulah.....Yak Andi ngumong lem ati.Dek tau ngapa lah.....cem kabel la mumut..men dipaksa...putos jadie....along terimak ape adelah.......

Salam
Andi As

Ukeran Nama Maryanot

Di sebleh mana yakDul, pok kata neg nguker nama Maryanot gi bateng karet, mane bateng karet e punye Mang Talaha.

Salam

ZiQri Al-Fahd

nonton band

"dul keripot nonton band"
     9 maret 2015


Hiburan paling ramai dikampong adalah band dangdut.
Band surya..band sitis..band prtama..tu band dangdut yg terkenal waktu ya..
Yak dul asaklah ade band dangdut..ukan dak ingen.
Cepat2 nyual kayu api.
Kek mudel.makai baju hari raya gi e.biar tampak keren.biaselah banyak cewek2.
Jam 8 sampai jam 9..yak dul nonton bedua kek maryanot.
Karena maryanot cuma pacak sampai jam 9..liwat dri ya..pacak maryanot tiduk diteras.paham lah kek mang talaha.cube kalok bujoi yg mawak..jam 10 dak maslah..karena bujoi pulang mawak kue.
Dak tau abenlah..ya duit bujoi..ngambik duit toko mak e..
Mang talaha mang talaha...matre.wkkw...
Tapi kadang maryanot gi sama kek bujoi.tpi kalok di band ketemu kek yak dul.langsong maryanot mereh yak dul.
Bujoi di tinggal.memang kalok cinta dak pacak dibulek.
Asaklah sudeh nganter maryanot pulang.yak dul balik agik ke band.biase e asak lam jam 9 ke atas.waktu e bejoged.
Waktu yg ditunggu2..mumpung maryanotlah pulang.
Tapi ade waktu ya...yak dul joged disco kata budak kinik e..
Orang cigak gale nengok yak dul.ade yg ketabe tekecit2 suara e.
Sampai ditegur kek bujang piloy..

Bujang piloy :"dul..ki dak malu ok tengok urang..cube ki perati..org nengok gale"...
Yak dul cuek bae :"biarlah..ngape pon"..
Bujang piloy :"cube ki dengar..biduan e nyanyi lagu Ayah (Rinto harahap)..mana pacak juget dullllllll.."...
Yak dul malu..sekali dengar aok emang rupe e..saking asyik juget..dak sadar..org nyanyi lagu tembang kenangan....tapi ada apa yg penting juget...tangan di atas..hati2 dompet.tarik mang...

salam dul keripot

bujang longoi meli hp

'''bujang lungoi meli hp""'
     10 maret 2015


Cerita yak dul sore ne...
Yak dul punya kawan..nama bujang lungoi..bujang lungoi ne sekelas sewaktu agik SD..
Kanti yak dul agik kecit duluk maleng buah rambut mang talaha.
Bujang longoi ne pintar disekulah.mured kesayangan guru.kelas 1 ge 2 taon.
Kelas 3..2 taon...
Siang tdi yak dul sinGgah ke pondok bujang longoi.denger2 nya lah meli hp baru.
Hp blacksenter.

Sekalian nampel..bekisah2 kek rencana nangkol.
Tapi pas di umah bujang lungoi..yak dul ngeliat bujang lungoi bediri di adep umah e.pinggir pager umah e.langsong yak dul tegur.
Yak dul :"ngape nya ki dipager ya lungoi"..
Bujang lungoi :"ngisi pulsa dul..tapi dak masok2..lah kek 2 jam bediri ne"..
Yak dul :"emang ki nitip kek org ok"...
Bujang :"ukan dul...cube ki dengar di hp ko ne...kata e untuk ngisi pulsa Tekan Pagar..jadi ko neken pager lah ne..tapi dak asi ngisi2"...
Yak dul :"""ha haaaaaaa...haa.lungoi2..sampaimati ki bediri disia dak kan ngisi pulsa e..law nak meli pulsa ke konter nu..tempat org jual hp"..
Bujang lungoi :"pekak ge dul..bearti org ne bebulak ok..kata e. Disuroh tekan pagar"...
Yak dul :"aoklah pon...ko pulang duluk..ne nomor ko..kelak ki tulis sms kek ko ok..law nak gi nangkol"..
Bujang lungoi :"boh ki dul...ki tau sendiri tulisan ko jiat.masa ki nyuroh ko nulis sms...kelak ki dak tau mace e"..
Yak dul :"lungoi2......sumpah ko jadi ganteng ki lak e...pulang luk"...
Jdi cemya sepradik...jangen sekali2 ikak jadi bujang lungoi...disuruh tekan pagar..ikak nekan pager umah ikak..mape agik disuroh tekan bintang...leteh ikak naik kubah masjid...
Salam hangat yak dul keripot..org ganteng sekampong bangka..

salam yak dul  keripot

Dul Keripot

17 Maret pukul 12:00

Siang seperadik gale...

Lah maken siang loem.

Law loem nampel ke pondok yak dul....tpi bw pemaken masing2,

Jam 10 tdi ad razia motor dijaln koba.

Yak dul lah ketakot.nak muter lah tanggong.

Maklomlah motor vespa ne dak de agik surat2 e.

Karena lah tanggong melintas.

Prittttttttttt...pritTttt..

Polantas :"siang pak"..

Yak dul :"siang emang hari ne ngape?.

Polisi :"boleh tunjukan surat2 e..".

Yak dul langsong merik surat2 e.polisi mace langsong ketabe.

Polisi :"maaf pak..maksud saya surat kendaraan bermotor.bukan surat cinta."..

Selebeb..yak dul kira surat cinta.jdi malu yak dul.yg yak dul kasih surat cinta yak dul kek maryanot.

Polisi :"bapak ku tilang".

Yak dul :"bapak perkutut".

Polisi lah marah sekali yak dul ngata perkutut.sage die ngata yak dul kutilang.

Polisi :"bapak ini melawan ya...saya ini anggota pak"..

Yak dul dengan santai:"bapak,anggota ge sombong..ko ne ketua pak..ketua adat kampong bangka.bearti bapak kalah"..

Polisi lah kesel..."Silahkan jalan pak....(Dalam hati pasti ngata yak dul gile).akhir e yak dul..aman dri razia"......

Ya cerita e seperadik.

DUL KERIPOT (BORAI NGANGGONG)

'''''NGANGGONG'''
    2 maret 2015

Pagi seperadik gale..
Lah ngupi gale kan...
Yak dul nak bekisah duluk ok..
Waktu ya org nganggung kue di masjid kampong.
Yak dul asak lah kek nganggong ukan dak ingin.
Bujang lungoi kek parot duluk kali gi e.
Biaselah maken gratis.
Tapi dak tau doa apa bace e.
Amin kata org.amin kata kami.
Tapi mlm ya.kami beempat dudok bedekat.
Law yak dul..dak jauh dari dulang mang talaha..karena yak dul tau.
Maryanot pinter muat kue.pasti ade kue pempek law dak celepon.
Biase e yak dul asak lah sudah maken..dak lupa narok di kopiah..atau dak diselip dikaen sarong.
Mang talaha asak pulang.kosong dulang e.amang selip dikaen sarong kek kopiah.
Asak pulang lah payah bejalen.ketakot tau org.
Apa agik parot kek bujang lungoi.
Segale kantong di isi.
Cerita lucu mlm ya..
Pas org tengah tahlil.
Jeppp mati lampu.
Ne kesempatan buat yak dul,bujang lungoi ,parot kek borai.
Narok kue ke dalam kopiah atau kaen sarong.pelan2 buka tutop dulang e...
Lampu lah nyala..semua beres.
Tapi mlm ya sial bagi borai.pas lampu lah nyala.borai diem dak apa bunyi e.yak dul tengok kaen sarong e baseh.langsong yak dul tegur.

"Borai,ngapa kaen ki baseh..ki kencing ok"..
Borai:"ukan dul...ko tadi kira kue.rupe e bubur ko pasok dalem kaen sarong ko".
Yak dul,lungoi kek parot ngakak ketabe...
Sampai2 cigak org gale.
Dari kejadian ya..dak suah agik kami beempat nyelip kue dalam kopiah kek kaen sarong.takot kejadian burai terulang kek kami.
Cuma kami mau kantong asoi bae skrng.wkkwkwkkwkkwk...
Oh yak dul lupa..borai ya kawan sekelas yak dul..dri kelas 1 Sd sampai kelas 6...walaupon borai 2 taon di kelas 2...borai peringkat ke 2 dri 35 siswa..pintar kan.tapi itong dri belakang.35,34.,33,32,31....yang yak dul 31......
Cemya cerita seperadik..jangen dicontoh ok..kelak dak kawa ikak tepasok kek kuah pempek dlm kaen sarong ikak.....

salam dul keripot

Andi As

18 Maret pukul 10:42

Men Dak Gile Ulah Ukan Dul Nama e...

Malem di amang mereh Dul Keripot pek pundok e.Maksod amang nek ngabul hajat.Ngajek Dul maken di pasar Mambo.Lama amang nunggu Dul .Bedandan ketak urang mentinak.Amang nyangka men lah bedandan lama cem ya,kek bagus ketingok e.Ni..olala...Dul pakai sungkok resam,bajuk e batik gambar burung tak ketabau,bagus sebenar e..cuma seluar e yang dak setulong.Seluar kutong dari kampil gendum.Ade cap segitige biru e ulik diadep e....ikak la ngebayang e .Bau baden e renget...pakai minyak sepaet la.meli di pasar pagi kek aji Salam.Maksod e nek ngipek mentinek ape nek ngemat ok..dek tau lah...men kasut pasti la kasut jepang laen sebeleh......gi la kami bedue ke pasar Mambo.Pas adep bioskop geruda lama ade warung pecel lele.Dul mulai keluar kekenek e.Dek malu malu Dul nyuroh amang berenti..

"Yak berenti yak suat.....pekak ge ikan kelik dibuet pecel..cem mana asa e ok?"Ku ketabe senyem senyem , Nama e bae Dul pecel lele....ukan e ikan kelik dibuet pecel" O..nak ya ok ."Ape nek maken pek ni Dul?'tawar amang..'Basinglah pon.."jawab Dul.Singgehlah kami bedue di warung lamongan nu.Pas di dalem uman e banyek pemaken lain.Ade ayem guring,ayem panggeng.Ningok ayem Dul nyuet amang."Yak..ku nek ayem bae ok...pesenlah Dul.Macem gaya bos Dul nyentik jari e.Datenglah pelayan e."Yuk....(bingung org tu..sual e nya urg Jawe baru dateng ulik)ko nek maken ayem guring.Kitok e sikok,kepak e sikok..!" kuat ulik DUul Ngaroh .Bingung mbak ya..nenger e.Urang yang dateng pek nu ketabe....ramai jadi e......Malu ku dibuet Dul.....Dul Dul...malunya dirik....sudeh ni jadilah ngikot ku....malu jadi e...

Dul Keripot

18 Maret pukul 11:13

Seperadik gale..

Ase sebuah kata yg pacak muat emosi ikak2 gale emosi kek senyum2 surang.

Ikak bace teros status ne.

Dari awal sampai habis ok.

Tapi kalok lah mace.

Ikak jangen marah ape agik bejik kek yak dul ne.

Yak dul ne cuma nak bebagi bae.

Kalw selama ne ade kata2 yg pacak buat ikak emosi kek senyum2 surang.

Jangen ikak cerita kek org laen ok.

Cukup ko kek ikak bae yg tau.

Jangan sampai keliwat kata2 e.

Kalaw ikak ragu..ikak bace agik dari awal sampai habis.

Berulang2..jangan sampai salah.

Lah siap gale ok...

Tapi ingat ok..jangen lupa kek janji.

Jangen padeh kek org laen.

Kecuali kita sama2 dikampong bangka ne.

Sebenar e yak dul berat nak nyampai e.

Tapi kalok dak disampai.takot ikak penasaran.

Kata ya singkat..tapi bikin hati panes.

Kata ya adalah...

Adalah...

Adalah...."Ketipu ni ye"...

Kaborrrrrrrrrrrrr....