Gare-gare Bubur Ayem

Urang Bangkek men nyebut kolak nebiase e bubur.Ade bubur pisang,bijur,ubi,labu,bubur lemek (dari beras biase e ).Men muet bubor biase ade gule kabung,pati kelapa,garem,men nek muet bubor umbak biase e pakai daun panden..dikit bae biar tambeh wangi.Betaon nabi yang name e bubor cem ya la bahan e.Nih amang nek bekisah.Bener bener tejadi di Habang bepulo taon luk.Ade nek nama e Nek Jem.Name sebener e Jamilah.Ditugek nek Jem bae.Nek jem ne kisah e kawin agik kek urang Sundak nu.nama e Mang Asef.Biase e men di sundak nu urang maken bubur ayem.Bubur nasik pakaki pati,dicampur kek ayem dikantet kantet( indonesia..disuir suir).Madeh lah Mang Asef kek Nek Jem..men urang tua ya nek bubuk ayem.Nek jem bingong....lebeb..ayem dibubor?Ape ase e ?Macem macem bae laki baru ko ne...nek ngumong dek pacak muet e malu.....biar ati was was...mulailah nek Jem ne muet bubur.Ayem yang lah disembelih kek disiang tu dikuten kuteng.Macem kek bueh labu ..dikuten segi empat.Kepala dikukur.Diambik pati e.Gle kabung 3 kirek ( indonesia..keping) lah disiap.Mulailah kelapa diperes.Ambik santen e.Taruk pek kuali.Tarok di atas tungku kayu api.Api lah mulai murop.Pati dikiluk kiluk biar dek pecah.Mulaila ayem ditarok pek kualu.Kiluk ulik.Baru ditambeh kek gule kabong.Kire kire stengah jam,Nek Jem ngangkat kuali .La masek bubur e.....ditaruk pek pan siana (indonesia...rantang).Dek lama sudeh tu..pulanglah mang Asef.Lan masak lom bubur e ? La...dibawa tudung dulang tu..."saot nek Jem.Semangat nian Mang Asef nek makan bubor ayem .Maklom la lame dak ketempoh.Pas dibukek tudung dulang ya.....ngaroh lah Mang Asef.Ngaroh dalem bahasa sunga.....Aduh...Nyai....ini mah Kolak ayam....bukan bubur ayam atuh...duh....budu pisan ....(la campor campor bahasa e..)Meraning Mang Asef.Dilimpar e siana berisi kolak ayem tadi.Pas kenek ulik kek bak nEK jEM...dek ampon sek.......mang asef disuroh nyerai bik Jem.....tamat riwayat e.....gara gara bubor ayem......

Hikmah dari cerita ni...jangen malu betanyak men dek tau.Suseh tu pakai akal.Kire kire dek sesuai jangen digawi sek......aok dek.Hehehe udeh luk ok...dek kawah pak wo bejik..sual e belau punye warung bubur ayem.......

Salam
Andi As