Di tanggek pundok tengah kebon ko, ku duduk ngelamun,banyek yang ko keneng,kisah waktu gik betunang luk,kisah waktu ku begawi luk,kisah waktu sekulah luk,kisah macem macemlah.Tapi yg paling leket di ati kisah betunang kek Eka lah.Cube men duluk ko dek putos kek nya,ku lah ditugek urang laki bu dokter.Tapi sape nyangkak pacak putos ok.Gara gara jerawat yang nipek dimuka Eka ku mutosnya...Sude tu ku inget kisah waktu begawi luk...ku la diangket pengawas kek bos ku,tauke bawang di pasar besak Pengkal,dek usa lah ku sebot nama e...gara gara bini e gati muet kupi kek ko,bos cemburu,ko dipecat..padahal ku dek ngenggu bini nya .Ape gara gara muka ku kayak Rano Karno nih ok..(Malunya rik )..lame ko neger pek umah.Dek de aben yang kek nyeneng ati ne.Dek de aben yang pacak diarep.Bener kate ruwah mak ko luk,ko ne dek usah diarep aben...dek maju idop e....dek usah diarep aben lah...sedih ko...sampai kinik e...tah sebile idop ne kek nyamen...kawan lah beuto gale,umah la bagus,ku ngerem pek pundok di bukit merapen nih...bini la meraning teros....la seminggu beranjuk umah mentua di giri maya nuh..nek nyusol malu kek mertua...dek kawah kenek keruce....dek kawa disebut dek pacak diarep aben.....Ya Allah,tulong ko ni....biar pecube idop ni cepet ilang...ku nek berambus dari kisah idop saro nih...ku nek la cem die urg tu...pelesir keni ke nu..naek kapal terbang,punye uto diwek...dipanggil mang haji,sebile ok.....amang bepesan kek anak anak amang,pacak pacak lah ikak mawak dirik ok....men nek beumah tanggek ,siap siap duluk.....dek pacak men cuma mudel ganteng....pinter...tapi budu nyarik duit....pukok e...nek cukoplah sifat e...dek kawa disebut urang "dek usah di areb Aben" malu seutan utan....men lok e cinta selulong lulong, men tengah susah diumong urg nyusah selaot laot....malu nya dirik..inget nak ok pesen amang ni....
salam Penasehat Kampong Bangka
_ yak Andi As _
Tidak ada komentar:
Posting Komentar