Gi Ngipek

Malem isok ade acara 17 Agustus di adep kantor camat.Banyak acra e.Ade nyanyi,dari berik berik SD,smp,SMA , pukok e ramai.Ade la band e.Men dak hala ben mang Asen yang maen.Ku paling ingen ningok ben ni.Ade Mang Tamrin peretukol e.Pukok e ramai la.Urang Habang men ade bend biase e gi nunton bae.Dak retak ken uma pacak dibungkar urang.Ku la betason kek bujang men malem isok nek gi ke adep kantor camat.Nek nunton urang betari.Men ade rejeki renyek la ngipek..nyarik tunang.Dak kawa agik diulok urang.kate e Rano Karno,ngape dak laku .Men muke ganteng ko ni.Kate tetanggak macem Rano.Cuma dak de tai lalet e di jangok.Biar dijhangko urang Rano,jangok kutucuk ken peniti.Kubier biar bintol.Hude tu ku ambik hepidol.Kubuet item..la jadi tai lalet rano..hehehe
Kisah malem acara tu..mate ko mencial ningok berik bini,rambut e panjang,keriteng,malem tu ku tingok die hendirik bae ningok urang betari..ku ge hiran..ngape die hendirik ok...men ku tingok dari belakang,bagus urang e.Tinggi badan e.Mulai la ku nyube ngipek.Ku deket berik bini tu.Ku ajak becakap..hendirik ok ?hape name ka ?anggo dak kenal?Dak hangko aben,berik bini tu nyaot....Ngape ge..juet ken urang ni..ngape nian e ?Nek ngape ka ni?Tekejut ku nenger suare besak dari berik bini tu....pas ku tingok...ampir pingsan ku,rupe e yang ku hangko urang bini tu..rupe e banci.....cepet cepet ku lari....gagal wa ngipek malem tu....waktu ku becerita ken kawan kawan,urang hitu ketabe...malu ase e.Hude tu ku enggak agik ngakuk urang ganteng.Dak berani agik icak icak nek ngipek.Dak kawa behempirai kepale dituem banci..hehehe...(Ni bahasa urang habang..men ikak dek ngerti,tanyak bae kek bik acit ok )


Salam
Andi As