Ati amang agik ngerunyot ase e.Barang barang pek pasar nu mahal harge e.Ikan paling murah e 40 ribu sekilo.Mane takot ulik amang ne kek pormalin.Ade ikan murah cem kepitek,tamban, ya ge kecit kecit ikan e.Kite urang kecit cuma ngurot dade lah.Nelen aek yuk bae.Maken kepitek kek tamban lah lungoi asa e.Kesian kek budak budak di umah.Weu bak...tamban teros....kepitek teros...langok...lungoi.....cube ge masek ayam kentaki....me li pon pek ramayana nu?Men sekali kali pacaklah.Men tiap ari..pacak sakit mate amang dibuet e.Maksod e sakit mate pencarik..(hehe..ketabe ngerunyot nih..ukan seneng)Waktu kecit luk..ikan ne belamper di Bangka.Langok ikan daret,nyarik ikan laot.Macem macem ulik.Tengiri,terubuk,senangin,baong,betok,lah dek kawa agik nangop e.Nyamen ulik asa e.Ku inget tiap ari ruwah mak ko men ngelempah ni pagi sure bebida ikan e.Cem tu ge isok e.Men kinik e....weu mintak ampon.Duluk ikan parik,mayong dek sanget dikerinah urang.Kinik e..mahal umun.Tepakso la amang nek ngerampai lempah daret , meli dikit bae...due on jadilah tok rampai.Waktu amang bekelakar kek urg dines perikanan..kate e...banyek ikan kita ni yang langka.....dek pacak banyek agik..sual e..karang laot kite rusak.Gara gara Kapak isep.Amang tanyak..ngape dak diusir bae kapal isep nu?Payah mang...banyek penyenget e yang mpuk kapal tu...dek kawa dirik.Dek tau ngapalah mang...sabar lah luk...kinik e kite nye pacak neger.....sapa tau kelak berubeh.....Jang jang ...men nunggu lama igek,duluk ditimbok tanah badan amang ne....kenek ikak lah,kelak kek ketulah ikak kek urang tua macem kami ni.....ku nek nyuroh bini di umah luk..biar kepitek tu pacak dibuet macem macem pemaken..biar dek lungoi.....nek nyuroh bini luk muet dinden ikan tamban.Sambelingkung tamban...biar ade pariasi kate budak kinik e.....imang nek pacak bebuet jaman kinik e....kereatiplah..men dek cem tu...pacak mati bediri....peradek sekampong Bangka.men ikak pacak,tulonglah laot kite ni biar bagus ulik macem luk e....ikak lah yang tau cara e..men amang yang ngumong kelak dianggep ngasot ulik......aoklah pon,amang nek ngelampon luk,buk ancok kek dindeng ikan tamban..sape renyek,jelatlah ke pundok amang ok......
Salam
Andi As
Tidak ada komentar:
Posting Komentar