Selamat pagi seperadik...
Ngupi duluk....
Jangen lupa maken rebus ubi...
Semalem yak dul kedatangan tamu.tamu istimewa..Yak Andi As..makaseh banyek yak.lah nampel.denger2 setelah yak andi As..cita titata nak ketemulah kek yak dul ne.ahey lui...
Tapi yak dul nak cerita duluk..
Ne cerita yak dul agik kecit duluk.biaselah nama budak kecit.yak dul ne kawan e berlima.bujang lungoi,bujang parot,burai,bujang kedingol.
Sma2 sekelas sewaktu SD.sama2 dak mateh.sama2 sering ngakel guru.
Asak hari hujan.ya lah yg paling ditunggu.
Biase e kami maen kapal2 laot.kelak di anyut di dalam bandar.karena arus aek e deras.
Kami muat dari pelepah rembiyak kapal2 laot.kecuali bujang kedingol.kapal laot bujang kedingol ukan dak bagus.
Kalah kapal2 laot punya kami.
Ukan dak bangga bujang kedingol.
Tapi tengah seger2 maen.
Tau2 ade bik2 mawak sapu.nak ngejar kami.kami lah ketakot gale.
Dak sadar kami lumpat tunggang langgang.
Tapi bik ya..ngaroh manggil nama bujang kedingol.
"'Kedingol..ki jangen lari.kesini luk ki.ko mentong ki kek sapu".
Karena lah tua..bik ya dak jauh ngejar e.keleteh kami duduk dibawah bateng tampoi.
Yak dul :"ngapa nya bik ya ngejar ki kedingol".
Bujang kedingol :"dul,ya nek ko.tadi pas ikak ngajak maen kapal2 laot.ku dak de kapal2 e.ujong2 ko ngambik kuali nek
ko.ne boh.ya lah nek ngeruce"..
Yak dul :"oh cemya .ku kira kuali mak ki lah."
Bujang kedingol :"aok emang.mane nek tengah ngureng ikan asen pulik.minyak e ko buang"..
Yak dul,bujang parot,bujang lungoi,burai ngakak kek ketabe.gara2 bujang kedingol ngambik kuali nek e.tuk jadi kapal2 laot.sebenar e yak dul ge suah di keruce kek mak.gara2 panci mak.yak dul buat helm2 naek sepeda.cem ya cerita seperadik