Yak dul punya cerita...
Tentu seperadik gale agik ingat.waktu agik kecit.banyak yg jual kue pagi2.
Sekitar jam 5 atau sebelum subuh.
Kira2 cemne lagu nya bejual.
"Ayoooo kue..kue ipok2..kue ondel2..kue apem..pempek..kue keroket.."..
Kurang lebih cemya lah.biase yg beli org gi ngaret.
Pagi2 ukan dak ramai.
Ngape yak dul tau..karena yak dul ne ge pernah bejual kue kayak ya.
Jual kue punya mak yak dul lah.
Yak dul inget waktu jual kue ya..ade cerita lucu..(Ahey lui..jadi ketabe boh..)..
Cerita e waktu ya..dikampong yakdul tengah heboh..kisah mencadin kek mawang.kisah antu lah pokok e.
Biase e asak ade cerita heboh kayak ne.orang takot keluar umah.yg bejual kue ge sepi.
Yak dul icak2 berani pagi ya.yak dul gi pas sebelum subuh.
Jadi agak gelap dikit.tapi yak dul bw senter.
Lah jauh muter..yak dul tekejut.ad puteh2 bejalen ke arah yak dul.yak dul lah mulai ketakot.
Ne pasti pocong.yak dul dak sadar lumpat.langsong pulang.untong kue dak tumpah.pas dirumah langsong ditanya.
Mak yak dul :"ngape dul..lah habis ok kue e.cepat ge"..
Yak dul :"ukan mak..ade hantu pocong.jdi ya lah ko pulang"..
Mak yak dul ;"pekak ge dul..untong ki pulang.mendak kena cekik ki.
M
Yak dul :"mak ne..mana pacak pocong nyekik..tangen ge dikebet.paling ngigit"...
Dak lama diluar umah ade org manggil...
"Ooo dulllll...o dull"...
Mati lah ade yg manggil yak dul.yak dul lah ketakot.masa antu ngejar sampai umah.
Mak yak dul. Ngintai dari sela papan..
"Ohhh...ki rugay...ngapa nya'"..kata mak..
Bik rugay :"ne ko nak meli kue..tapi pas pulang dri masjid..ko mereh dul.tapi dul langsong lumpat ketakot"..
Mak yak dul :""ha haa...tu lah..dipiker dul ki antu pocong.ki agik makai celkong ok (mukena).."..
Bik rugay :"aok emang...pantes dul ketakot langsong lumpat".....
Mak kek bik rugay lah ngakak ketabe....dull,agik sembunyik bawah ranjang.rupe e yang yak dul kira antu..ternyata oh ternyata...bik rugay pulang dri masjid.naseb2..mana kue dak de laku..cemya cerita e seperadik.